'கொஞ்சம் டைமிங் கொஞ்சம் ரைமிங்' போதும் கோட் சூட் போட்டு நீங்களும் ஆங்கரிங் பண்ணலாம்!

தொகுப்பாளர் ஆவது எப்படி?

இந்த துறையை பொறுத்தமட்டில் செய்தி தொகுப்பாளர் பணியே கொஞ்சம் கடினமானாதாக கருதப்படுகிறது.

ஒரு செய்தியால் உலகையே மாற்ற முடியும். செய்தி வாசிக்கும் முன் அதற்கு பின் உள்ள ஆயிரக்கணக்கான செய்தி சேகரிப்பர்களின் உழைப்பு ஒழிந்திருக்கிறது என்பதை மனதில் கொள்ள வேண்டும். அதோடு இதை மக்களிடம் சுவரஸ்யம் குறையாமல் எப்படி சேர்க்கிறோம் என்பதும் முக்கியம்.

எங்கே தொடங்குவது?

+2 முடித்த பின் உங்களது தேர்வு ஆங்கரிங்காக இருப்பின் டிகிரி படிப்பை மாஸ் கம்யூனிகேஷன், ஜெர்னலிசம் போன்ற படிப்புகளை தேர்ந்தேடுக்கலாம்.

இல்லை என்றால் டிப்ளமோ படிப்புகளை தேர்ந்தேடுக்கலாம். டிகிரி முடித்தவராக இருக்கும் பட்சத்தில் பல்வேறு வகையான முதுநிலை டிப்ளமோ படிப்புகள் வழங்கப்படுகின்றன. டிகிரியை பொறுத்த வரை ரூ30,000 முதல் 2,00,000 வரையில் முதுநிலை டிப்ளமோ ரூ.40,000-1,00000 வரையிலும் பயிற்றுவிக்கப்படுகின்றன.

சம்பளம்:

டிவி தொகுப்பாளரை பொறுத்த வரை வருடம் ரூ.3.5லட்சத்தில் இருந்து 6 லட்சம் வரை பெறலாம் அனுபவத்தின் அடிப்படையில் ஊதியம் வேறுபடும்.

பயிற்றுவிக்கப்படும் கல்லூரி:

• சிம்பியஸ்ஸிஸ் இன்ஸ்டிடியூட் ஆஃப் மீடியா & கம்யூனிகேஷன்-புணே
• செயின்ட் சேவியர் கல்லூரி-மும்பை
• லேடி ஸ்ரீ ராம் மகளிர் கல்லூரி-புதுதில்லி
• டிபார்ட்மெண்ட் ஆஃப், கிறிஸ்ட் யுனிவர்சிட்டி-பெங்களூர்
• ஆசியன் காலேஜ் ஆஃப் ஜர்னலிசம்-சென்னை
• டைம்ஸ் ஸ்கூல் ஆஃப் ஜர்னலிசம்-புது தில்லி
• மானிபால் இன்ஸ்டிடியூட் ஆப் கம்யூனிகேஷன்ஸ்-மணிப்பால்
• மெட்ராஸ் கிறிஸ்டியன் கல்லூரி-சென்னை