சென்னை: விளையாட்டு வீரர்கள் ஒதுக்கீட்டின் பல்வேறு பணியிடங்களுக்கான வேலைவாய்ப்பை மேற்கு மண்டல ரயில்வே(வெஸ்டர்ன் ரயில்வே) அறிவித்துள்ளது.
மொத்தம் 64 பணியிடங்களுக்கான வாய்ப்பை அறிவித்துள்ளது மேற்கு மண்டல ரயில்வே.
தடகளம், கிரிக்கெட், கபடி, கோ-கோ, வாலிபால், மல்யுத்தம், நீச்சல், பூப்பந்து, கோல்ப், பேட்மிண்டன், கால்பந்து, வலுதூக்குதல், டேபிள்டென்னிஸ், பளுதூக்குதல் உள்ளிட்ட விளையாட்டுகளில் சிறந்து விளங்கும் விளையாட்டு வீரர்கள் இந்தப் பதவிகளுக்கு விண்ணப்பிக்கலாம்.
பட்டப்படிப்பு, பிளஸ்2, 10-ம் வகுப்பு, மெட்ரிக் படித்த மாணவர்கள் இந்தப் பதவிக்கு விண்ணப்பம் செய்யலாம். வயது 18 முதல் 25 வயதுக்குள்ளாக இருக்கவேண்டும்.
விண்ணப்பங்கள் கிடைத்த பின்னர் அதில் தகுதியானவர்கள் தேர்வுக்கு அழைக்கப்படுவர்.
இந்தப் பணிகளுக்காக விண்ணப்பத்தை Western Railway Sports Association, Headquarter Office, Churchgate, Mumbai - 400020 என்ற முகவரிக்கு விண்ணப்பங்களை அனுப்பவேண்டும்.
ஆகஸ்ட் 17-ம் தேதிக்குள் விண்ணப்பங்கள் வந்து சேருமாறு அனுப்பவேண்டும்.
மேலும் விவரங்களுக்கு www.wr.indianrailways.gov.in என்ற இணையதளத்தைத் தொடர்புகொண்டு அறியலாம்.