யுபிஎஸ்சி சிடிஎஸ் தேர்வு முடிவுகள் இணையதளத்தில் வெளியீடு...!!

டெல்லி: மத்திய பொதுப் பணியாளர் தேர்வாணையத்தின் (யுபிஎஸ்சி) கம்பைன்டு டிஃபன்ஸ் சர்வீஸஸ் (சிடிஎஸ் 1) தேர்வு முடிவுகள் தற்போது இணையதளத்தில் வெளியாகியுள்ளன.

இந்தத் தேர்வுகள் மூலம் தேர்ந்தெடுக்கப்படுபவர்கள் டெஹ்ராடூன் இந்தியன் மிலிட்டரி அகாடமி, ஹைதராபாத் ஏர்போர்ஸ் அகாடமி, கேரளாவிலுள்ள இந்தியன் நேவல் அகாடமி, சென்னை அதிகாரிகள் பயிற்சி மையம் உள்ளிட்ட இடங்களில் பணிக்கு அமர்த்தப்படுவார்கள்.

இந்தத் தேர்வை 8,411 பேர் எழுதியுள்ளனர். இந்தத் தேர்வு முடிவுகளைக் காண http://www.upsc.gov.in/ என்ற இணையதளத்தைத் தொடர்புகொள்ளவேண்டும். பின்னர் ''UPSC CDS 1 2016 result' என்ற இடத்தில் கிளிக் செய்தால் முடிவுகளைக் காணலாம்.

அந்த முடிவு பக்கத்தை பிரிண்ட் அவுட் எடுத்து வைத்துக் கொள்ளலாம்.