மத்திய ஆயுதப் படை போலீஸ் வேலைக்கு ஜனவரி 11-ல் தேர்வு

சென்னை: மத்திய ஆயுதப் படை போலீஸ் பணிக்கான நேர்முகத் தேர்வு 2016-ம் ஆண்டு ஜனவரி 11-ம் தேதி முதல் நடைபெறவுள்ளது என மத்திய பொதுத் தேர்வாணையம்(யுபிஎஸ்சி) அறிவித்துள்ளது.

இதுதொடர்பாக மத்திய பொதுத் தேர்வாணையம் வெளியிட்டுள்ள அறிவிப்பு: மத்திய ஆயுதப் படை போலீஸ் பணிக்கு(உதவி கமாண்டெண்ட்) நேர்முகத் தேர்வு நடைபெறவுள்ளது. இந்தத் தேர்வு ஜனவரி 11-ம் தேதி முதல் 21-ம் தேதி வரை நடைபெறவுள்ளது.

தேர்வுகள் 2 ஷிப்டுகளாக நடைபெறும். முதல் ஷிப்ட் தேர்வு காலை 10 மணிக்குத் தொடங்கும். 2-வது ஷிப்ட் பிற்பகல் 1 மணிக்குத் தொடங்கும்.

இந்தப் பணிக்கு விண்ணப்பித்தவர்கள் யுபிஎஸ்சி-யின் இணையதளமான http://www.upsc.gov.in-ல் தொடர்புகொண்டு இ-சம்மன் கடிதத்தை டவுன்லோடு செய்யவேண்டும்.

அந்தக் கடிதத்தைக் கொண்டு வந்து நேர்முகத் தேர்வில் பங்கேற்கலாம்.