அலகாபாத்: அலகாபாத் பல்கலைக்கழகம் பி.ஜி. படிப்புகள் சேர்க்கை தேர்வு (பிஜிஏடி) தேதியை அறிவித்துள்ளது.
இந்தத் தேர்வுகளை மே 25-ம் தேதி முதல் 30-ம் தேதி வரை அலகாபாத் பல்கலைக்கழகம் நடத்தவுள்ளது.
இந்தத் தேர்வுக்கான ஹால் டிக்கெட்டுகளை மே 21-ம் தேதி முதல் டவுன்லோடு செய்துகொள்ளலாம்.
பட்டமேற்படிப்பில் பிஸிக்கல் சயின்ஸஸ், மேத்தமெட்டிக்கல் சயின்ஸஸ், கெமிக்கல் சயின்ஸஸ், லைப் சயின்ஸஸ், ஜியோசயின்ஸஸ் உள்ளிட்ட பல்வேறு படிப்புகளை வழங்கவுள்ளது இந்த பல்கலைக்கழகம்.
இந்தப் படிப்பில் சேர ஆன்-லைன் முறையி்ல் விண்ணப்பிக்கவேண்டும்.
இந்தத் தேர்வில் வெற்றி பெறுபவர்கள் மட்டுமே படிப்பில் சேர முடியும். இந்தத் தேர்வு 2 பிரிவாக நடைபெறும். முதல் தாள் பொது விழிப்புணர்வு, நாட்டு நடப்புகள், பொது அறிவியல் உள்ளிட்ட பல்வேறு விஷயங்கள் குறித்து கேள்விகள் இடம்பெறும்.
2-வது தாளில் 35 கேள்விகள் இடம்பெறும். இந்தத் தேர்வுக்கு மே 8 -ம் தேதிக்குள் விண்ணப்பங்களை அனுப்பவேண்டும்.
தேர்வு மே 25 முதல் 30-ம் தேதி வரை நடைபெறும்.
மேலும் விவரங்களுக்கு http://www.allduniv.ac.in என்ற இணையதள முகவரியைத் தொடர்புகொள்ளலாம்.