என்ஜினீயரிங் படிச்சிருக்கீங்களா.. மின்சார நிறுவனத்தில வேலை.. உடனே அப்ளை பண்ணுங்க!

சென்னை: இந்திய மின் தொகுப்புக் கழக நிறுவனத்தில் (பிஜிசிஐஎல்) கேட் 2017ம் ஆண்டு தேர்வின் அடிப்படையில் எக்சிகியூட்டிவ் டிரெயினி பணியிடங்கள் நிரப்பப்பட உள்ளன.
எலக்ட்ரிக்கல், எலக்ட்ரானிக்ஸ், சிவில், கம்ப்யூட்டர் சயின்ஸ் போன்ற பிரிவுகளில் காலிப் பணியிடங்கள் உள்ளதாக அறிவிக்கப்பட்டுள்ளது.

எலக்ட்ரிக்கல் - 103 காலியிடங்கள்

எலக்ட்ரானிக்ஸ் - 15 காலியிடங்கள்

சிவில் - 15 காலியிடங்கள்

கம்ப்யூட்டர் சயின்ஸ் - 19 காலியிடங்கள் உள்ளதாக அறிவிக்கப்பட்டுள்ளது.

கல்வித் தகுதி -

பி.இ., பி.டெக்., பி.எஸ்சி., இளநிலை பட்டப்படிப்பில் எலக்ட்ரிக்கல், எலக்ட்ரானிக்ஸ், பவர், பவர் சிஸ்டம்ஸ், கம்ப்யூட்டர் சயின்ஸ், எலக்ட்ரானிக்ஸ், அண்ட் கம்யூனிகேசன், டெலிகம்யூனிகேசன், கம்ப்யூட்டர் என்ஜினீயரிங், இன்பர்மேசன் டெக்னாலஜி போன்ற பிரிவுகளில் ஏதேனும் ஒன்றில் குறைந்தப்டசம் 65% மதிப்பெண்களுடன் தேர்ச்சி பெற்ற விண்ணப்பதாரர்கள் விண்ணப்பிக்கலாம்.

மேலும் விண்ணப்பதாரர்கள் கேட் தேர்வில் பெற்ற மதிப்பெண்களின் அடிப்படையில் குரூப் டிஸ்கசன் மற்றும் நேர்க்காணலுக்கு அழைக்கப்படுவார்கள். குரூப் டிஸ்கசன் மற்றும் நேர்க்காணலுக்கு அழைக்கப்படுபவர்களில் தகுதியானவர்கள் மேற்கண்ட பணியிடங்களுக்கு தேர்ந்தெடுக்கப்பட்டு பணியில் அமர்த்தப்படுவார்கள்.

வயது வரம்பு -

விண்ணப்பதாரர்கள் 28 வயதுக்கு உட்பட்டவர்களாக இருக்க வேண்டும். எஸ்.சி, எஸ்டி பிரிவினருக்கு 5 ஆண்டுகளும் ஓபிசி பிரிவினருக்கு 3 ஆண்டுகளும் மாற்றுத் திறனாளிகளுக்கு 10 ஆண்டுகளும் வயது வரம்புச் சலுகை அளிக்கப்படுகிறது.

விண்ணப்பக்கட்டணம் -

விண்ணப்பக்கட்டணம் ரூ. 200 அனைத்து விண்ணப்பதாரர்களிடமிருந்தும் வசூலிக்கப்படுகிறது.

விண்ணப்பிக்கும் முறை -

விருப்பமும் தகுதியும் உள்ள விண்ணப்பதாரர்கள் இணையதள வழியாக 31 மார்ச் 2017ம் தேதிக்குள் விண்ணப்பிக்கவும்.

மேலும் தகவல் அறிய www.powergridindia.com என்ற இணையதள முகவரியை அனுகவும்.