நீங்கள் லேப்-டெக்னீஷியனா...? எம்ஆர்பி-க்கு உடனே அப்ளிகேஷன் போடுங்க...!!

சென்னை: லேப் டெக்னீஷியன் பணியிடங்கள் காலியாக இருப்பதாக தமிழ்நாடு மருத்துவ சேவை தேர்வாணையம் (எம்ஆர்பி) அறிவிப்பு செய்துள்ளது.

மொத்தம் 710 லேப்- டெக்னீஷியன் பணியிடங்கள் காலியாக உள்ளதாம். தகுதியும், விருப்பமும் உள்ள நபர்கள் இந்தப் பணியிடங்களுக்கு பிப்ரவரி 1-ம் தேதிக்குள் விண்ணப்பிக்கவேண்டும்.

இந்த பணியிடத்துக்கு விண்ணப்பிக்க விரும்புவோர் கண்டிப்பாக பிளஸ்-2 தேர்ச்சி பெற்றிருக்க வேண்டும். மேலும் மெடிக்கல் லேப் டெக்னாலஜி படிப்பு படித்ததற்கான சான்ரிதவையும் வைத்திருக்கவேண்டும். மேலும் நல்ல உடல், கண் பார்வை, வெளியே சென்று வேலை செய்யத் தயாராக இருக்கவேண்டும்.

வயது 18 முதல் 57-க்குள் இருக்கலாம்.

தகுதியும், விருப்பமும் உள்ள நபர்கள் உடனடியாக விண்ணப்பிக்கலாம். இதுதொடர்பான கூடுதல் விவரங்கள் எம்ஆர்பி இணையதளத்தில் கிடைக்கின்றன. அணுக வேண்டிய இணையதள முகவரி: http://www.mrb.tn.gov.in

கல்வித் தகுதி, தொழில்நுட்ப கல்வித் தகுதி அடிப்படையில் ஆட்கள் நேர்முகத் தேர்வுக்கு அழைக்கப்படுவர். நேர்முகத் தேர்வில் வெற்றி பெறுபவர்களுக்கு வேலை கிடைக்கும்.

விண்ணப்பக் கட்டணமாக ஓபிசி, பொதுப் பிரிவினருக்கு ரூ.500-ம் எஸ்சி, எஸ்டி பிரிவினருக்கு ரூ.250-ம் வசூலிக்கப்படும்.