டெல்லி: கேரள மாநிலத்தில் ஒருங்கிணைந்த பிஎச்.டி. எம்.எஸ்சி, எல்எல்எம் படிப்புகள் படிக்க உதவும் மகாத்மா காந்தி பல்கலைக்கழகம் (எம்ஜியு) கேட் தேர்வுகளுக்கான (பொது நுழைவுத் தேர்வு) தேதிகள் அறிவிக்கப்படடுள்ளன.
கோட்டயத்தில் அமைந்துள்ளது இந்தப் பல்கலைக்கழகம். இந்தத் தேர்வில் வெற்றி பெறுவதன் மூலம் எம்.ஏ. படிப்புகள், எம்.எஸ்சி, பிஎச்.டி ஒருங்கிணைந்த படிப்புகள், எம்.எஸ்சி, எல்எல்எம் படிப்புகளில் சேர முடியும். மேலும் டூரிஸம் படிப்புகளிலும் சேரலாம். தேர்வுகள் மே 21, 22-ம் தேதிகளில் நடைபெறும்.
இந்தப் படிப்பில் சேர விரும்புபவர்கள் சம்பந்தப்பட்ட துறைகளில் பட்டப்படிப்பில் தேர்ச்சி பெற்றிருக்கவேண்டும்.
இந்தப் படிப்பில் சேர விண்ணப்பங்களை ஆன்-லைன் மூலம் அனுப்பவேண்டும். விண்ணப்பக் கட்டணமாக ரூ.500 செலுத்தவேண்டும். எஸ்சி, எஸ்டி மாணவர்கள் ரூ.250 செலுத்தினாலே போதும்.
விண்ணப்பங்களை அனுப்ப மே 6 கடைசி நாளாகும். ஹால் டிக்கெட்டுகளை மே 12-ம் தேதி முதல் டவுன்லோடு செய்துகொள்ளலாம்.
தேர்வுகள் மே 21, 22 தேதிகளில் நடைபெறும். முடிவுகள் ஜூன் 2-ம் தேதி அறிவிக்கப்படும்.
மேலும் விவரங்களுக்கு http://www.mgu.ac.in என்ற இணையதள முகவரியைத் தொடர்புகொள்ளலாம்.