பிப். 14-ல் முதுநிலை மருத்துவ நுழைவுத் தேர்வு நடத்த முடிவு

சென்னை: தமிழகத்தில் முதுநிலை மருத்துவப் படிப்புகளுக்கான நுழைவுத் தேர்வு பிப்ரவரி 14-ஆம் தேதி நடைபெறவுள்ளது என அறிவிக்கப்பட்டுள்ளது.

இதுதொடர்பாக மருத்துவக் கல்வி இயக்ககம் வெளியிட்டுள்ள செய்திக் குறிப்பு:

தமிழக அரசு மருத்துவக் கல்லூரிகளில் முதுநிலை, முதுநிலை பட்டயம், ஆறு ஆண்டுகள் முதுநிலை நரம்பியல் அறுவைச் சிகிச்சை, முதுநிலை பல் மருத்துவப் படிப்புகள் ஆகியவற்றில் 2016-2017-ஆம் ஆண்டுக்கான மாணவர் சேர்க்கை நடைபெறவுள்ளது. இந்தப் படிப்புகளில் சேர்வதற்க்கு நுழைவுத் தேர்வு விரைவில் நடைபெறவுள்ளது.

இந்தப் படிப்புகளில் அகில இந்திய இடங்களுக்கான தேர்வுகள் பல்வேறு கட்டங்களாக நடைபெற்று வருகின்றன.

இந்தப் படிப்புகளில் தமிழகத்தின் சார்பில் மாணவர் சேர்க்கைக்கான நுழைவுத் தேர்வு வரும் பிப்ரவரி மாதம் 14-ஆம் தேதி சென்னையில் நடைபெறவுள்ளது என்று அதில் தெரிவிக்கப்பட்டுள்ளது.

இதுதொடர்பான கூடுதல் விவரங்களுக்கு: www.tnhealth.org என்ற இணையதளத்தைகத் தொடர்புகொண்டு காணலாம்.