டெல்லி: எம்பிஏ படிப்புகளில் சேர உதவும் மேனேஜ்மெண்ட் ஆப்டிடியூட் டெஸ்ட் (மேட் தேர்வு) தேர்வு விரைவில் நடைபெறவுள்ளது. இந்தத் தேர்வை எழுத ஆன்-லைனில் விண்ணப்பிக்கலாம்.
இந்தத் தேர்வை ஆல் இந்தியா மேனேஜ்மெண்ட் அசோசியேஷன் (ஏஐஎம்ஏ) நடத்துகிறது. தேர்வு வரும் மே 1-ம் தேதி நாடு முழுவதும் நடைபெறவுள்ளது. இதைத் தொடர்ந்து கம்ப்யூட்டர் சார்ந்த தேர்வு மே 7-ம் தேதி நடைபெறும்.
இந்தத் தேர்வை எழுத விரும்புவோர் ஆன்-லைனில் தங்களது பெயர்களைப் பதிவு செய்யவேண்டும். மேலும் தேர்வு எழுத ரூ.1,200 கட்டணமாக செலுத்தவேண்டும். இதை டிமாண்ட் டிராஃப்டாக எடுத்து டெல்லியில் மாற்றத்தக்கதாக அனுப்பவேண்டும்.
ஆன்-லைனில் விண்ணப்பிக்க https://www.aima.in/ என்ற லிங்க்கை கிளிக் செய்யவேண்டும்.
இந்தத் தேர்வு இரண்டரை மணி நேரம் டநைபெறும். நாடு முழுவதும் 22 மையங்களில் தேர்வு நடைபெறும். மேலும் துபாய், சிங்கப்பூர் ஆகிய நாடுகளிலும் இந்தத் தேர்வு நடைபெறும். மே 7-ம் தேதி நடைபெறவுள்ள கம்ப்யூட்டர் சார்ந்த தேர்வு நாடு முழுவதும் 12 மையங்களில் நடைபெறுகிறது.