டெல்லி: புதுடெல்லியில் அமைந்துள்ள உயர்கல்வி நிறுவனமான லால் பகதூர் சாஸ்திரி மேலாண்மை அகாடமியில் 15 மாத எக்ஸிகியூட்டிவ் முதுகலை டிப்ளமோ மேலாண்மை படிப்புக்கு தகுதியானவர்களிடம் இருந்து விண்ணப்பங்கள் வரவேற்கப்படுகின்றன.
இந்த அகாடமியில் 2016-17 கல்வியாண்டில் பிசினஸ் அனலிட்டிக்ஸ், பேமிலி மேனேஜ்டு பிசினஸ் அன்ட் ஜெனரல் மேன்ஜ்மென்ட் படிப்புகள் வழங்கப்படுகின்றன.
இந்தப் படிப்பில் சேர இளங்கலை பட்டப் படிப்பில் 50 சதவீத மதிப்பெண்கள் பெற்றிருப்பதோடு, 5 வருட பணிஅனுபவமும் பெற்றிருக்க வேண்டும்.
இந்தப் படிப்புக்கு ஆன்லைன் வழியாக விண்ணப்பிக்கலாம். விண்ணப்பக் கட்டணமாக ரூ.1950 ஆன்லைனில் செலுத்தலாம். தபால் மூலம் அனுப்ப ரூ.2,025 வரைவோலை எடுத்து அனுப்ப வேண்டும்.
CAT/GMAT நுழைவுத்தேர்வில் பெறும் மதிப்பெண், எழுத்துத்தேர்வு, குழு விவாதம், நேர்முகத்தேர்வு அடிப்படையில் தகுதியானவர்கள் தேர்வு செய்யப்படுவர்.
இந்தப் படிப்புக்கு விண்ணப்பிக்க ஏப்ரல் 30ம் தேதி கடைசி நாளாகும். கூடுதல் தகவல்களுக்கு கல்வி நிறுவன இணையதளமான http://www.lbsnaa.gov.in/ -ல் காணலாம்.