அடுத்த கல்வியாண்டு முதல் ஆன்-லைனில் கர்நாடக பொது நுழைவுத் தேர்வு!!

சென்னை: அடுத்த கல்வியாண்டு முதல் கர்நாடக பொது நுழைவுத் தேர்வு(கேசிஇடி) ஆன்-லைனில் நடைபெறவுள்ளது.

கர்நாடகாவிலுள்ள பொறியியல் கல்லூரி, தொழில்நுட்பக் கல்வி கல்லூரிகளில் மாணவர் சேர்க்கை கர்நாடக பொது நுழைவுத் தேர்வாணையம் நடத்தி வருகிறது. இதற்காக ஆண்டுதோறும் பொது நுழைவுத் தேர்வை நடத்தி வருகிறது.

இதை இனி அடுத்த கல்வியாண்டு முதல் ஆன்-லைனில் நடத்த முடிவு செய்யப்பட்டுள்ளது.

2017-18 கல்வியாண்டில் இது நடைமுறைக்கு வருகிறது. இதற்கான முடிவை கர்நாடக தேர்வாணையம்(கேஇஏ) எடுத்துள்ளது.

ஆன்-லைனில் நுழைவுத் தேர்வை நடத்துவதற்கான அனைத்து ஏற்பாடுகளையும் கேஇஏ செய்து வருகிறது. ஆவணங்களை சரிபார்க்கும் நிகழ்வுகளையும் ஆன்-லைன் மூலமாகவே செய்ய கேஇஏ முடிவு செய்துள்ளது.

கூடுதல் விவரங்களுக்கு kea.kar.nic.in என்ற இணையதளத்தைக் காணலாம். ஊரகப் பகுதி மாணவர்களுக்கு உதவுவதற்காகவே இந்த முடிவை எடுத்துள்ளதாக கேஇஏ அதிகாரிகள் தெரிவித்துள்ளனர்.