ஓமனில் வேலை... சென்னையில் இன்டர்வியூ!

சென்னை: ஓமன் நாட்டில் இயந்திரம் இயக்குபவர்களுக்கான இன்டர்வியூ சென்னையில் இன்று (செப்.4) நடைபெற உள்ளது.

இதுதொடர்பாக தமிழக அரசின் அயல்நாட்டு வேலைவாய்ப்பு நிறுவனம் வெளியிட்ட செய்திக்குறிப்பு:

ஓமன் நாட்டிலுள்ள முன்னணி நிறுவனத்துக்கு 10 ஆம் வகுப்பு தேர்ச்சி பெற்ற, 2 ஆண்டு பணி அனுபவம் உள்ள, 22 முதல் 32 வயதுக்குள்பட்ட இயந்திரம் இயக்குபவர்களுக்கான நேர்முகத் தேர்வு செப்.4-ம் தேதி நடைபெற உள்ளது.

இதில்,தேர்ந்தெடுக்கப்படுபவர்கள் தகுதி, அனுபவத்துக்கேற்ப ஊதியம், இலவச விமான டிக்கெட், இருப்பிடம், ஓமன் நாட்டின் சட்டதிட்டங்களுக்கு ஏற்ப சலுகைகள் வழங்கப்படும்.

விருப்பமும், தகுதியும் உடையோர் அசல் பாஸ்போர்ட், கல்வி, அனுபவம் உள்ளிட்டவையின் நகல், நீலநிற புகைப்படத்துடன் கூடிய 5 புகைப்படங்களை கிண்டி, அயல்நாட்டு வேலைவாய்ப்பு நிறுவனத்தை நேரில் அணுகலாம்.

மேலும் விவரங்களுக்கு, 044-22502267, 22505886, 08220634389 என்ற எண்களில் தொடர்பு கொள்ளலாம் என தெரிவிக்கப்பட்டுள்ளது.