ஜேஇஇ அட்வான்ஸ்டு தேர்வு: முக்கிய தேதிகள் அறிவிப்பு...!!

டெல்லி : ஐஐடி போன்ற உயர்கல்வி நிறுவனங்களில் சேர உதவும் இணை நுழைவுத் தேர்வு அட்வான்ஸ்டுக்கான (ஜேஇஇ அட்வான்ஸ்டு) முக்கிய தேதிகள் அறிவிக்கப்பட்டுள்ளன.

இந்தத் தேர்வை சிபிஎஸ்இ பள்ளி நிர்வாகம் நடத்தி வருகிறது. ஜேஇஇ பிரதானத் தேர்வுகள் (ஆப்-லைன்) கடந்தவாரம் நடைபெற்றது. அடுத்த வாரம் ஜேஇஇ ஆன்-லைன் தேர்வுகள் நடைபெறவுள்ளன.

இதைத் தொடர்ந்து அட்வான்ஸ்டு தேர்வுகள் நடைபெறவுள்ளன. இதற்கான தேதிகள் தற்போது அறிவிக்கப்பட்டுள்ளன. இந்தத் தேர்வுகள் மே 22-ம் தேதி நடைபெறும். ஜேஇஇ பிரதானத் தேர்வில் வெற்றி பெறுபவர்கள் இந்த அட்வான்ஸ்டு தேர்வை எடுத்த முடியும்.

ஜேஇஇ அட்வான்ஸ்டு முதல் தாள் மே 22-ம் தேதி காலை 9 மணி முதல் 12 மணி வரை நடைபெறும். 2-ம் தாள் பிற்பகல் 2 மணி முதல் 5 மணி வரை நடைபெறும். ஜேஇஇ அட்வான்ஸ்டு தேர்வு பதிவுக்கான தேதிகள் ஏப்ரல் 29 முதல் மே 4 வரை ஆகும். நுழைவுக் கூடச் சீட்டுகளை (ஹால்-டிக்கெட்) மே 11 முதல் மே 22 வரை டவுன்லோடு செய்துகொல்ளலாம். தேர்வு முடிவுகள் ஜூன் 12-ம் தேதி வெளியிடப்படும்.