டெல்லி ஐஐடி-யில் எம்பிஏ படிக்க ஆசையா இருக்கா....!!

சென்னை: டெல்லி ஐஐடி-யில் எம்பிஏ படிப்பு படிப்பதற்கான விண்ணப்பங்கள் வரவேற்கப்பட்டுள்ளன.

இந்த எக்ஸிகியூட்டிவ் எம்பிஏ படிப்புகள் (மாலை நேர வகுப்புகள்) 2016-ம் ஆண்டுக்கானது ஆகும்.

இந்த படிப்பு படிக்க விரும்புபவர்கள் இயற்பியல், வேதியல், கணிதம், ஸ்டாட்டிஸ்டிக்ஸ், கம்ப்யூட்டர் அப்ளிகேஷன்ஸ், எலக்ட்ரானிக் சயின்ஸ், சுற்றுச்சூழல் அறிவியல் உள்ளிட்ட பிரிவுகளில் பட்டப்படிப்பு படித்திருக்கவேண்டும்.

மேலும் 2 ஆண்டு வேலை பார்த்த அனுபவமும் இருக்கவேண்டும்.

தேர்வு, குழு விவாதம், நேர்முகத் தேர்வு அடிப்படையில் மாணவர்கள் இந்த படிப்புக்கு சேர்த்துக்கொள்ளப்படுவர்.

விருப்பமுள்ள மாணவர்கள் ஐஐடி டெல்லி இணையதளத்தைத் தொடர்புகொண்டு ஆன்-லைன் மூலம் விண்ணப்பங்களை அனுப்பலாம். பின்னர் அந்த விண்ணப்பத்தை பிரிண்ட் அவுட் எடுத்து 'The Chairman, GATE-JAM, Indian Institute of Technology, Delhi, Hauz Khas, New Delhi- 110016' என்ற முகவரிக்கு அனுப்பவேண்டும்.

விண்ணப்பத்துடன் ரூ.2,500-க்கு கேட்புக் காசோலையை அனுப்பவேண்டும்.

விண்ணப்பங்களை அனுப்பவேண்டிய கடைசி தேதி மார்ச் 18 ஆகும். எழுத்துத் தேர்வு ஏப்ரல் 3-ம் தேதி நடைபெறும். குழு விவாதம், நேர்முகத் தேர்வு ஏப்ரல் 23, 24-ம் தேதிகளில் நடைபெறும். தேர்வு முடிவுகள் மே 9-ம் தேதி நடைபெறும்.

கூடுதல் விவரங்களுக்கு www.iitd.ac.in என்ற இணையதளத்தைத் தொடர்புகொள்ளலாம்.