எச்ஐஎல் நிறுவனத்தில் உதவிப் பொறியாளராக ஆசையா?

சென்னை: ஹிந்துஸ்தான் இன்செக்டிசைட்ஸ் நிறுவனத்தில் (எச்ஐஎல்) உதவிப் பொறியாளர்(மெக்கானிக்கல்) பணியிடங்கள் காலியாக உள்ளதாக அறிவிப்பு செய்யப்பட்டுள்ளது.

தகுதியும், விருப்பமும் உள்ள நபர்கள் டிசம்பர் 31-ம் தேதிக்குள் இந்தப் பணியிடங்களுக்குத் தபால் மூலம் விண்ணப்பிக்கலாம்.

இந்தப்பணியிடத்துக்கு மெக்கானிக்கல் என்ஜினீயரிங் பிரிவில் பட்டப்படிப்பு முடித்திருக்கவேண்டும். மேலும் கெமிக்கல் தொழிற்சாலைகளில் 2 ஆண்டு பணிபுரிந்த அனுபவமும் இருக்கவேண்டும்.

வயது 40-க்குள் இருக்கவேண்டும். எஸ்சி, எஸ்டிசி, ஓபிசி பிரிவினருக்கு வயதுச் சலுகைகள் உண்டு.

இந்தப் பணியிடங்களுக்கு Dy. General Manager (P&A), Hindustan Insecticides Limited, Udyogamandal P.O, Eloor, Ernakulam District, Kerala State Pin-683 501 என்ற முகவரிக்கு டிசம்பர் 31-க்குள் தபால் மூலம்விண்ணப்பிக்கவேண்டும்.

மத்திய ரசாயனம் மற்றும் உரத்துறையின் நேரடிக் கட்டுப்பாட்டில் இயங்கி வருகிறது இந்த நிறுவனம். இது கேரள மாநிலம் எர்ணாகுளத்தில் அமைந்துள்ளது. 1954-ல் உருவாக்கப்பட்டது. தேசிய மலேரியா ஒழிப்புத் திட்டம் உள்ளிட்டவற்றுக்காக இது தொடங்கப்பட்டது. இதன் பின்னர் பூச்சிக் கொல்லிகள் கண்டுபிடிப்பு உள்ளிட்டவற்றை இது வெற்றிகரமாக கண்டறிந்துள்ளது. தற்போது கொச்சி, மும்பை அருகே ரசாயனி, பஞ்சாபில் பதிண்டா நகரங்களில் தொழிற்சாலைகளை அமைத்துள்ளது எச்ஐஎல்.