பத்தாம் வகுப்பு தனித்தேர்வர் ஹால் டிக்கெட்: பிப். 8 முதல் பதிவிறக்கம் செய்யலாம்!!

சென்னை: வரும் மார்ச் மாதம் நடைபெறவுள்ள பத்தாம் வகுப்பு பொதுத்தேர்வு எழுத ஆன்லைன் மூலம் விண்ணப்பித்த தனித்தேர்வர்கள் வரும் 8-ம் தேதி முதல் தேர்வுக்கூட அனுமதிச்சீட்டை (ஹால் டிக்கெட்) பதிவிறக்கம் செய்து கொள்ளலாம்.

இது குறித்து தேர்வுத் துறை இயக்குநர் வசுந்தராதேவி வெளியிட்டுள்ள செய்திக்குறிப்பு: மார்ச் மாதம் நடைபெறவுள்ள பத்தாம் வகுப்புப் பொதுத்தேர்வு எழுத ஆன்லைன் மூலம் ஏராளமான தனித்தேர்வர்கள் விண்ணப்பித்துள்ளனர்.

அவ்வாறு விண்ணப்பித்துள்ள தனித்தேர்வர்கள், தேர்வுத் துறை இணையதளத்தில் தங்களின் விண்ணப்ப எண், பிறந்த தேதியை டைப் செய்து வரும் பிப்.8-ம் தேதி முதல் தேர்வுக்கூட அனுமதிச்சீட்டை (ஹால் டிக்கெட்) பதிவிறக்கம் செய்து கொள்ளலாம் என்று அதில் கூறப்பட்டுள்ளது.