நுழைவுத் தேர்வு அறிமுகம்: கேம்பிரிட்ஜ் பல்கலைக்கழகம் முடிவு!!

சென்னை: மாணவர் சேர்க்கைக்காக விரைவில் நுழைவுத் தேர்வை அறிமுகம் செய்ய கேம்பிரிட்ஜ் பல்கலைக்கழகம் முடிவு செய்துள்ளது. 2016-17 கல்வியாண்டில் இந்தத் திட்டை அறிமுகம் செய்ய கேம்பிரிட்ஜ் முடிவு செய்துள்ளது.

கேம்பிரிட்ஜ் பல்கலைக்கழகத்தில் சேர விரும்புபவர்கள் இனி நுழைவுத் தேர்வில் எழுதி வெற்றி பெற்றால் மட்டுமே படிப்பில் சேர முடியும். இதற்கு முன்பு 1980 வரை நுழைவுத் தேர்வு முறை இருந்தது. 1980-ல் நுழைவுத் தேர்வு முறை ஒழிக்கப்பட்டது. தற்போது இது மீண்டும் அறிமுகம் செய்யப்படவுள்ளது.

தற்போது ஆக்ஸ்போர்ட் பல்கலைக்கழகத்தில் நுழைவுத் தேர்வு முறை உள்ளது. அதைத் தொடர்ந்தே கேம்பிரிட்ஜிலும் நுழைவுத் தேர்வு முறையைக் கொண்டு வர முடிவு செய்யப்பட்டுள்ளது. இத்தகவலை கேம்பிரிட்ஜ் பல்கலைக்கழக இயக்குநர்(சேர்க்கை) டாக்டர் சாம் லூஸி தெரிவித்தார்.