கோழிக்கோடு: கேரள மாநிலம் கோழிக்கோடு பல்கலைக்கழகத்தில் பட்டப்படிப்புகள், பட்டமேற்படிப்புகள் படிக்க விண்ணப்பங்கள் மாணவர்களிடமிருந்து வரவேற்கப்படுகின்றன.
2016-17-ம் கல்வியாண்டுக்கான படிப்புகளாகும் இது. 4 ஆண்டு படிக்கும் பிஎச்எம் (ஹோட்டல் நிர்வாகம்), உடற்கல்வி படிப்பான (பி.பி.எட்) உள்ளிட்ட பல்வேறு படிப்புகள் இங்கு வழங்கப்படுகின்றன.
பட்டப் படிப்பில் சேர பிளஸ் 2 படிப்பில் நல்ல மதிப்பெண்களுடன் தேர்ச்சி பெற்றிருக்கவேண்டும்.
பட்டமேற்படிப்புகளுக்கு சம்பந்தப்பட்ட பிரிவில் பட்டப்படிப்பில் தேர்ச்சி பெற்றிருக்கவேண்டும்.
விண்ணப்பங்களை ஆன்-லைனிலும் அனுப்பலாம். விண்ணப்பக் கட்டணமாக ரூ.300 செலுத்தவேண்டும். எஸ்சி, எஸ்டி பிரிவினர் ரூ.100 செலுத்தினாலே போதுமானது.
ஆன்-லைனில் விண்ணப்பங்களை அனுப்பிய பிறகு அதை பிரிண்ட் அவுட் எடுத்து தகுந்த ஆவணங்களை இணைத்து, பணம் செலுத்தியதற்கான ரசீதையும் சேர்த்து Chief Co-ordinator, CCSIT Centre, Calicut University Campus,university of Calicut, P O Calicut University-673635 என்ற முகவரிக்கு அனுப்பவேண்டும்.
மே 16-க்குள் விண்ணப்பங்களை அனுப்பித் தரவேண்டும்.
கூடுதல் விவரங்களுக்கு http://www.cuonline.ac.in/ என்ற இணையதள முகவரியைத் தொடர்புகொள்ளலாம்.