எய்ம்ஸ் உயர்கல்வி நிறுவனத்தில் பட்டப்படிப்பில் சேரலாமா....?

புதுடெல்லியில் உள்ள அனைத்து இந்திய மருத்துவ அறிவியல் கல்வி நிறுவனத்தில் (எய்ம்ஸ்) பி.எஸ்சி., எம்.எஸ்சி. போன்ற பட்டப்படிப்பு, பட்டமேல் படிப்புகளில் மாணவர் சேர்க்கைக்கான அறிவிப்பு வெளியிடப்பட்டுள்ளது. தகுதியும், விருப்பமும் உள்ளவர்கள் இந்தப் படிப்புகளுக்கு விண்ணப்பிக்கலாம். கூடுதல் விவரங்களுக்கு www.aiimsexams.ac.in என்ற இணையதள முகவரியைத் தொடர்புகொண்டு அறியலாம்.

எய்ம்ஸ் எனப்படும் அனைத்திந்திய மருத்துவ அறிவியல் கழகம் (All India Institute of Medical Sciences, AIIMS), மருத்துவமனைகள் தன்னாட்சி பெற்ற பொதுத்துறை உயர்கல்வி மருத்துவக் கல்லூரிக் குழுமம் ஆகும். இந்த மருத்துவமனைகள் நாடாளுமன்ற சட்டத்தின்படி தேசிய முதன்மைக் கழகங்களாக அறிவிக்கப்பட்டுள்ளன. இவற்றின் முன்னோடியான அனைத்திந்திய மருத்துவ அறிவியல் கழகம் புதுடெல்லி, இந்தியாவில் உள்ள மிக முக்கியமான மருத்துவக்கல்லூரி மற்றும் மருத்துவமனையாகும். இந்த மருத்துவமனை, கல்லூரி, 1956 - ஆம் ஆண்டு நியூசிலாந்து அரசாங்கத்தால் கொடுக்கப்பட்ட உதவித்தொகையில் கட்டப்பட்டது. இம்மையம், டெல்லியின் தென்பகுதியில் உள்ள அன்சாரி நகரில் உள்ளது. நாட்டின் மிக முக்கிய நகரங்களில் இந்த மருத்துவமனை, கல்லூரிகள் அமைந்துள்ளன.

மேலும் இந்த மருத்துவமனையில் பல்வேறு புகழ்பெற்ற துறைகள் அமைந்து ஏழை, எளிய மக்களுக்கு சிகிச்சை அளிக்கப்பட்டு வருகிறது.

இங்கு தற்போது, உணர்வகற்றலியல், உடற்கூறியல், உயிர் வேதியியல், உயிரி மருத்துவப் பொறியியல்,
உயிர் இயற்பியல், உயிரியல் புள்ளிவிவரம், உயிரித் தொழில்நுட்பம், இதயஇயல், சமூக மருத்துவ மையம்,
செவிலியக்கல்லூரி, தோலியல் மற்றும் பால்வினை நோய் இயல், நாளமில்லா சுரப்பியல், வளர்சிதை மாற்றம் மற்றும் நீரிழிவு, மருத்துவத்தடையயியல், இரைப்பை குடல் இயல் மற்றும் மனித ஊட்டச்சத்து,
இரையக குடலிய அறுவை சிகிச்சை, குருதியியல், மருத்துவமனை நிருவாகம், ஆய்வக மருத்துவம்,

ருத்துவம், நுண்ணுயிரியல்,சிறுநீரகவியல், அணுவியல் மருத்துவம், அணுக்கருக்காந்த ஒத்ததிர்வு வரைவு,
மகப்பேறியல் மற்றும் மகளிர் நலவியல், எலும்பியல், செவிநாசிமிடற்றியல், குழந்தை மருத்துவம்,
குழந்தை மருத்துவ அறுவை சிகிச்சை, நோயியல், மருந்தியல், உடலியல், உடல் மருத்துவம் மற்றும் புனர்வாழ்வு, மனநோய்கான சிகிச்சை, கதிரியக்க அறுதியிடல், இனப்பெருக்க உயிரியல், அறுவைசிகிச்சைப்பிரிவுகள், ஒட்டறுவை எதிர்ப்பியல் மற்றும் எதிர்ப்பு மரபியல், இரத்தம் ஏற்றல் மருத்துவம்,

சிறுநீரக இயல் ஆகிய பிரிவுகள் அமைந்துள்ளன வரலாறு
எய்ம்ஸ் (AIIMS) மருத்துவமனையை டெல்லியில் அமைக்க அடிக்கல் 1952 இல் நாட்டப்பட்டது. முதல் எய்ம்ஸ் மருத்துவமனை 1956 ஆம் ஆண்டு அகில இந்திய மருத்துவ அறிவியல் கழகச் சட்டம், 1956 ஆம் ஆண்டு அப்போதைய பிரதமர் ஜவஹர்லால் நேருவின் கீழ் நிறுவப்பட்டது. முதலில் கொல்கத்தாவில் நிறுவ முன்மொழியப்பட்டது, அப்போதைய மேற்கு வங்க முதல்வர் பிதான் சந்திர ராய் மறுத்ததைத் தொடர்ந்து இது புதுடெல்லியில் நிறுவப்பட்டது. அது அப்போது அகில இந்திய மருத்துவ அறிவியல் நிறுவனம் என்று அறியப்பட்டது, மேலும் அதற்கு தேசிய முக்கியத்துவம் வாய்ந்த நிறுவனங்களின் (INI) அந்தஸ்தை வழங்கியது.

2003 ஆம் ஆண்டில், இந்திய அரசாங்கம் பிரதான் மந்திரி ஸ்வஸ்திய சுரக்ஷா யோஜனா (PMSSY) முயற்சியை அறிவித்தது, இது "மலிவு/நம்பகமான மூன்றாம் நிலை சுகாதார சேவைகள் கிடைப்பதில் பிராந்திய ஏற்றத்தாழ்வுகளை சரிசெய்வதை" நோக்கமாகக் கொண்டது. இது இரண்டு முக்கிய வழிகளில் செய்யப்பட வேண்டும் என்று தெரிவிக்கப்பட்டது.

எய்ம்ஸ் (AIIMS) போன்ற நிறுவனங்களை அமைப்பது மற்றும் அரசு மருத்துவக் கல்லூரிகளை மேம்படுத்துவது ஆகியவை அந்த வழிகளாகும். 2003 ஆம் ஆண்டு அப்போதைய பிரதமர் அடல் பிஹாரி வாஜ்பாயின் ஆட்சிக் காலத்தில் இந்த அறிவிப்பு வெளியிடப்பட்டாலும், மையத்தில் ஏற்பட்ட அதிகார மாற்றம் காரணமாக திட்டம் தாமதமானது.

PMSSY அதிகாரப்பூர்வமாக மார்ச் 2006 இல் தொடங்கப்பட்டது மற்றும் ஆறு எய்ம்ஸ் (AIIMS) போன்ற மருத்துவ நிறுவனங்கள் அறிவிக்கப்பட்டன. அந்த ஆறு மருத்துவக் கல்லூரிகளும் செப்டம்பர் 2012 முதல் செயல்படத் தொடங்குகின்றன. அகில இந்திய மருத்துவ அறிவியல் நிறுவனம் (திருத்தம்) மசோதா, 2012, 27 ஆகஸ்ட் 2012 அன்று மக்களவையில் அறிமுகப்படுத்தப்பட்டது.

டெல்லியில் முதல் எய்ம்ஸ் மருத்துவமனை தொடங்கப்பட்டு தற்போது வரை, இந்தியாவில் 19 வெவ்வேறு மாநிலங்களில் 23 எய்ம்ஸ் மருத்துவமனை, கல்லூரிகள் உள்ளன, மேலும் 2019 -ல் வந்த பட்ஜெட்டின்படி 2025 வரை, மேலும் ஆறு எய்ம்ஸ்கள் உருவாகவுள்ளன.

நீட் தேர்வில் வெற்றி பெற்று எய்ம்ஸ் பல்கலைக்கழகத்தில் படிக்கலாம் (தேசிய தகுதி நுழைவுத் தேர்வுக்கான நீட் நிலை). நீட் தேர்வில் வெற்றி பெற்று, நல்ல ரேங்க் பெற்றால், எய்ம்ஸில் மருத்துவப் படிப்பை மாணவர்கள் முடிக்கலாம்.

டெல்லியில் உள்ள எய்ம்ஸ் (AIIMS) மருத்துவமனை மற்றும் மருத்துவக் கல்லூரியானது, முதலில் ஒரு சூப்பர் ஸ்பெஷாலிட்டி மூன்றாம் நிலை பராமரிப்பு மையமாக நிறுவப்பட்டது, இது ஆராய்ச்சி மற்றும் சிறப்பு பயிற்சி வசதிகளுக்கு முதன்மை முக்கியத்துவத்தை அளிக்கிறது. இங்கு வழங்கப்படும் எம்பிபிஎஸ் என்பது இளங்கலை பட்டப்படிப்பில் அடிப்படை மருத்துவப் படிப்பாகும். இதைத் தொடர்ந்து பொது அறுவை சிகிச்சை, பொது உள் மருத்துவம், குழந்தை மருத்துவம் மற்றும் பிற துறைகளில் முதுகலை நிலை நிபுணத்துவம். சூப்பர் ஸ்பெஷாலிட்டிகள் என்பது மருத்துவப் பராமரிப்புத் துறைகள் அமைந்துள்ளன.
அதன் பயிற்சியாளர்களுக்கு முதுகலைப் பட்டப்படிப்பை முடித்த பிறகு சிறப்புச் சான்றிதழ் தேவைப்படுகிறது, இருதய மற்றும் வாஸ்குலர் அறுவை சிகிச்சை, வாதவியல், நரம்பியல் மற்றும் குழந்தை நரம்பியல் போன்ற பிரிவுகளில் இங்கு உயர் முதுகலை பட்டப்படிப்புகள் உள்ளன.

மேலும் இங்கு எம்எஸ்சி மற்றும் பிஎச்டி அளவிலான ஆராய்ச்சி படிப்புகளையும் வழங்குகிறது.
இதுதவிர, எய்ம்ஸில் (புது டெல்லி) சுமார் நாற்பத்திரண்டு சிறப்பு முதுகலை படிப்புகள் நடத்தப்படுகின்றன. ஒவ்வொரு ஆறு மாதங்களுக்கும் நடைபெறும் AIIMS PG என்ற நாடு தழுவிய போட்டித் தேர்வின் மூலம் மாணவர்கள் இதில் சேர்க்கப்படுகின்றனர். ஒவ்வொரு ஆண்டும் நாடு முழுவதும் கிட்டத்தட்ட 50 ஆயிரம் மருத்துவ பட்டதாரிகளும் 25 ஆயிரம் பல் மருத்துவ பட்டதாரிகளும் குறைந்த எண்ணிக்கையிலான பதவிகளுக்கு போட்டியிடுகின்றனர்.

டெல்லியில் உள்ள எய்ம்ஸ் மருத்துவமனை, கல்லூரியானது இந்தியாவிலேயே பெரிய மருத்துவமனையாக அமைந்துள்ளது. ஒவ்வொரு ஆண்டும் ஒன்றுக்கும் மேற்பட்ட காப்புரிமை இல்லாதவர்கள் இந்த மருத்துவமனையில் இருந்து நிவாரணம், சிகிச்சை பெறுகின்றனர். டெல்லி எய்ம்ஸ் NIRF 2019 இல் முதல் இடத்தைப் பெற்றுள்ளது (NIRF என்பது தேசிய நிறுவன தரவரிசை கட்டமைப்பைக் குறிக்கிறது). டெல்லி எய்ம்ஸ் சுமார் 92 படிப்புகளை வழங்குகிறது, மேலும் மாணவர்கள் அவற்றில் ஏதேனும் ஒன்றில் நிபுணத்துவம் பெறலாம். டெல்லி எய்ம்ஸில் உள்ள மிகவும் பிரபலமான படிப்பு MBBS ஆகும், மேலும் MBBS மாணவர்களுக்கு 125 இடங்கள் உள்ளன, ஆனால் நீங்கள் டெல்லி AIIMS இல் சேர்க்கைக்கு சிறப்பு தரவரிசையைப் பெற வேண்டும். 125 இடங்கள் என்பது ஒன்றுக்கு மேற்பட்ட இந்திய மாணவர்களின் கனவாகும், எனவே நீங்கள் டெல்லி எய்ம்ஸில் எம்பிபிஎஸ் முடிக்க விரும்பினால், நீட் தேர்வில் உங்களால் முடிந்த நல்ல ரேங்க்கைப் பெறவேண்டும். குவாஹாத்தி

அண்மையில் வடகிழக்கு மாநிலமான அசாமில் உள்ள குவாஹாத்தி நகரில் கட்டப்பட்ட எய்ம்ஸ் மருத்துவமனையை பிரதமர் நரேந்திர மோடி தொடங்கி வைத்தார்.
குவாஹாத்தியில் ரூ.1,123 கோடியில் கட்டப்பட்டுள்ளது இந்த எய்ம்ஸ் மருத்துவமனை. இது வடகிழக்கின் முதல் எய்ம்ஸ் மருத்துவமனை ஆகும். அசாமின் நல்பாரி, நகாவோன், கோகராஜ்ஹர் நகரங்களில் புதிதாக கட்டப்பட்ட மருத்துவ கல்லூரிகளையும் அவர் திறந்துவைத்தார்.

அதேபோல் ஜம்மு காஷ்மீரின் சம்பாவில் 720 படுக்கைகளுடன் 227 ஏக்கர் பரப்பளவில் கட்டப்பட்டுள்ள எய்ம்ஸ் மருத்துவமனையை பிரதமர் திறந்து வைத்தார். ரூ.1,660 கோடி மதிப்பீட்டில் கட்டப்பட்டுள்ள புதிய எய்ம்ஸ் மருத்துவமனை வளாகத்தினுள் மருத்துவப் பேராசிரியர்கள் மற்றும் மாணவர்களுக்கான தங்கும் விடுதி, வணிக வளாகம், கலையரங்கம், செவிலியர் கல்லூரி ஆகியவை அமைந்துள்ளன என்பது குறிப்பிடத்தக்கது.

இதனைத் தொடர்ந்து, ராஜ்கோட், மங்களகிரி பதிண்டா, கல்யாணி மற்றும் ரேபரேலி ஆகிய 5 இடங்களில் அமைக்கப்பட்டுள்ள எய்ம்ஸ் மருத்துவமனைகளையும் பிரதமர் மோடி திறந்து வைத்தார்.

மதுரையில் எய்ம்ஸ்

இதேபோல் தமிழகத்தின் மதுரையில் எய்ம்ஸ் மருத்துவமனையை அமைக்க மத்திய அரசு முடிவு செய்து அதற்கான அடிக்கல்லையும் நாட்டியுள்ளது. மதுரையில் அமையவுள்ள எய்ம்ஸ் மருத்துவமனைக்கான திட்ட அறிக்கையை மத்திய சுகாதாரத்துறை வெளியிட்டுள்ளது. மதுரை, மதுரை மாவட்டம் தோப்பூரில் எய்ம்ஸ் மருத்துவமனை கட்டுவதற்கு முடிவு செய்யப்பட்டுள்ளது.

மதுரை மாவட்டம் தோப்பூரில் எய்ம்ஸ் மருத்துவமனை கட்டுவதற்கு கடந்த 2019 ஆம் ஆண்டு பிரதமர் நரேந்திர மோடி அடிக்கல் நாட்டினார். இந்த ஆண்டு மதுரை எய்ம்ஸ் மருத்துவ கல்லூரிக்கான மாணவர் சேர்க்கை நடைபெற்று ராமநாதபுரம் மருத்துவ கல்லூரியில் வகுப்புகளும் நடைபெற்று வருகின்றன.
இந்நிலையில், மதுரை எய்ம்ஸ் மருத்துவமனைக்கான திட்ட அறிக்கையை மத்திய சுகாதாரத்துறை வெளியிட்டுள்ளது. அதில், 2023-ம் ஆண்டு வரை எய்ம்ஸ் மருத்துவமனை கட்டடத்திற்கான வரைபட அனுமதி, சுற்றுச்சூழல் ஆணைய அனுமதி உள்ளிட்ட பணிகள் நடைபெறும் என்றும், 2026-ம் ஆண்டு வரை கட்டட பணிகள் நடைபெறும் எனவும், 2028-ம் ஆண்டு முதல் மதுரை எய்ம்ஸ் மருத்துவமனை முழுமையாக செயல்படும் எனவும் அறிக்கையில் தெரிவிக்கப்பட்டுள்ளது.

அனைத்து எய்ம்ஸ் மருத்துவமனை, கல்லூரிகளிலும் எம்பிபிஎஸ், பிடிஎஸ், எம்.டி. எம்.எஸ்., முதுநிலை படிப்புகள் வழங்கப்படுகின்றன. அதைப் போலவே, எய்ம்ஸ் மருத்துவமனைகளில் பிஎஸ்சி நர்சிங், நர்சிங் போஸ்ட் பேசிக், எம்எஸ்சி போன்ற பல்வேறு தரமான படிப்புகளும் வழங்கப்படுகின்றன.

இங்கு வழங்கப்படும் படிப்புகள்:

பி.எஸ்சி., - நர்சிங் (எச்), பி.எஸ்சி., - நர்சிங் (போஸ்ட் பேசிக்), பி.எஸ்சி., - பாராமெடிக்கல் படிப்புகள்,
எம்.எஸ்சி., - நர்சிங், எம்.எஸ்சி., எம்.பயோடெக்னலாஜி போன்ற படிப்புகளில் சேர்ந்து மாணவர்கள் படிக்க முடியும்.

இந்தப் படிப்புகளுக்கு விண்ணப்பிக்கும் முறை:

எய்ம்ஸ் மருத்துவமனை, கல்லூரிகளில் வழங்கப்படும் இளநிலை பட்டப்படிப்புகளுக்கு https://ugcourses.aiimsexams.ac.in/#! எனும் இணைய பக்கம் வாயிலாகவும், முதுநிலை பட்டப்படிப்புகளுக்கு https://pgcourses.aiimsexams.ac.in/#! எனும் இணைய பக்கம் வாயிலாகவும் விண்ணப்பிக்க வேண்டும்.

விண்ணப்பிக்க கடைசி நாள்: இந்தப் படிப்புகளுக்கு விண்ணப்பிக்க வரும் ஏப்ரல் 4-ம் தேதி கடைசி நாளாகும்.

இணையதள முகவரி: கூடுதல் விவரங்களுக்கு www.aiimsexams.ac.in என்ற இணையதள முகவரியைத் தொடர்புகொண்டு அறியலாம்.