இந்த விசயம் தெரிஞ்சா இனி வேலைக்கு போகவேண்டிய அவசியமே இல்ல..!

ஃப்ரீலான்சர்:

(Freelancer):

ஃப்ரீலான்சர்களுக்கு சிவப்பு கம்பளம் விரிக்கும் நம்பகத்தன்மை வாய்ந்த மற்றொரு சிறப்பான தளம்தான் ஃப்ரீலான்சர்.

இதில் உள்ளூர் முதல் உலக நாடுகள் வரை பல்வேறு வகையான ஃப்ரீலான்சிங் வாய்ப்புகளை பெறலாம்.

இந்த தளத்தில் நமக்கென்று ஒரு போர்ட்ஃபோலியோவை உருவாக்கும் பட்சத்தில் இந்ததளத்தில் இருந்து பல்வேறு வகையான கூடுதல் சலுகைகளை பெறலாம்.

குரு :

(Guru) 

3 மில்லியனுக்கும் அதிகமான வேலை வாய்ப்புகளை வழங்குவதால் குரு மீது எப்போதும் ஒரு நன்மதிப்பு உண்டு, அனைத்து தரப்பினருக்கும் ஏற்ற வாய்ப்புகளை ஒரு சேர வழங்கும் தளம்.

நமக்கு ஒரு வேலை பிடித்திருக்கிறது என்றால் அதன் கீழே உள்ள கமெண்ட் பாக்ஸில் அது சம்பந்தமான அனைத்து விவரங்களையும், சந்தேகங்களையும் கேள்விகள் மூலம் பெற்றுக்கொள்ள முடியும். அதோடு ஊதியத்திலும் நம்பகத்தன்மை வாய்ந்த தளம் இது.

டாப்டால் :

(Toptal)

மேலே உள்ள தளங்களைப் போலல்லாமல், டாப்டால் தனித்தன்மை வாய்ந்தது. வெப் டிசைன், வெப் டெவலெப்பர், வர்த்தகம் உள்ளிட்ட பல்வேறு வகையான துறைகளில் அனுபவமுள்ள, திறமையான ஃப்ரீலான்ஸர்களை ஸ்கிரீன் டெஸ்ட் முறையில் டாப்டால் தேர்வு செய்கிறது.

இதில் தேர்ச்சி பெறும் பட்சத்தில், ஏர்பிஎன்பி, ஜேபி மோர்கன், ஹெவ்லெட் பேகார்ட், எமிரேட்ஸ் போன்ற உலகத்தரம் வாய்ந்த நிறுவனங்களுடன் பணியாற்றும் வாய்ப்பை வழங்குகிறது. நம் செய்யும் பணிக்கேற்ப விதவிதமான முறையில் வருமானத்தை பெறலாம்.

99 டிசைன்:

(99designs)

பக்காவா டிசைன் பண்ணும் திறமை இருக்கா? உங்களுக்கானதுதான் இந்த தளம். டிசைனிங் சம்பந்தமான தயாரிப்புகள், வாழ்த்து மடல், டி-ஷர்ட் டிசைன், லோகோ டிசைன் போன்ற அனைத்துவிதமான டிசைன் சம்பந்தப்பட்ட வேலை வாய்ப்புகளை இங்கு பெறலாம்.

நமது தனிப்பட்ட டிசைன்ஸை பார்வைக்கு வைத்து அதன் மூலம் வேலை வாய்ப்பை பெறுவதோடு, கைநிறைய காசும் பார்க்க முடியும்.

பைவ்வர்:

(Fiverr) 

Fiverr அனைத்து வகையான வேலை வாய்ப்புகளையும் வழங்கும் ஒரு தளமாகும். டிஜிட்டல் மார்க்கெட்டிங், டிசைனிங், ரைட்டிங், ஓவியம், மியூசிக், ப்ரோகிராமிங் என பல்வேறு வகையான வேலைவாய்ப்புகளின் பட்டியலை உள்ளடக்கியது.

திறமையை குறுகிய காலத்தில் நிறைவாக வெளிப்படுத்த தயராக இருப்பவர்களுக்கு பைவ்வர் ஒரு சிறந்த தளம்.

என்வடோ ஸ்டுடியோ:

(Envato Studio)

வெப் மற்றும் மொபைல் டெவலப்பர்கள், அனிமேஷன், வீடியோ எடிட்டிங், கிராஃபிக் டிசைன் மற்றும் பல பிரிவுகளில் உள்ள வேலை வாய்ப்புகளை இங்கு காணலாம்.

நமது போர்ட்ஃபோலியோ அங்கிகரிக்கப்படும் பட்சத்தில் பல்வேறு நிறுவனங்களில் இருந்து வேலை வாய்ப்புகளை இதன் மூலம் பெற முடியும்.

அப் ஓர்க் :

(Upwork)

ஃப்ரீலான்சர்களுக்கு நன்கு பரீட்சையமான தளம் அப் ஓர்க், நமது போர்ட்ஃபோலியோ எனப்படும் தனித் திறமை பட்டியலின் அடிப்படையில், மாணவர்கள் முதல் அனுபவசாலிகள் வரை பல்வேறு தரப்பினருக்கு வேலை வாய்ப்புகளை வழங்கும் தளம்.

இதில் சிறிய நிறுவனங்கள் முதல் யுனிலிவர், பின்ரெஸ்ட், உள்ளிட்ட பல முண்ணனி நிறுவனங்களிடம் இருந்து வாய்ப்புகளை பெறலாம்.