IBPS RRB 2026: விண்ணப்பிக்க இன்னும் 24 மணி நேரம் மட்டுமே! கடைசி நேர அவசரத்தைத் தவிர்க்க இன்றே அப்ளை செய்யுங்கள்!

வங்கி வேலைக்குத் தயாராகும் தேர்வர்களுக்கு ஒரு முக்கிய செய்தி! IBPS RRB 2026 தேர்வுக்கு விண்ணப்பிக்க இன்னும் 24 மணி நேரம் மட்டுமே உள்ளது. ஆபிசர்ஸ் ஸ்கேல் I, II, III மற்றும் ஆபிஸ் அசிஸ்டண்ட் ஆகிய பணியிடங்களுக்கான பதிவு நாளை, செப்டம்பர் 21, 2026 அன்று நிறைவடைகிறது. கடைசி நேரத்தில் ஏற்படும் சர்வர் கோளாறு மற்றும் அவசரத்தால் நேரும் தவறுகளைத் தவிர்க்க இன்றே விண்ணப்பித்து விடுங்கள். லாகின் செய்வதற்கு முன் போர்ட்டலில் உள்ள அட்டவணையைச் சரிபார்த்துக் கொள்ளுங்கள்.

ஒரு தேர்வர் ஆபிஸ் அசிஸ்டண்ட் பணியோடு சேர்த்து, ஏதேனும் ஒரு ஆபிசர் பதவிக்கு மட்டுமே விண்ணப்பிக்க முடியும். ஆன்லைனில் மட்டுமே விண்ணப்பங்கள் ஏற்றுக்கொள்ளப்படும். ஒவ்வொரு பதவிக்கம் தனித்தனியாக விண்ணப்பித்துக் கட்டணம் செலுத்த வேண்டும். பதிவு செய்யும்போது 'லைவ் போட்டோ' எடுக்கும் வசதியும் உள்ளது. 'Save and Next' கொடுத்து, இறுதிச் சமர்ப்பிப்புக்கு (Final Submit) முன் அனைத்து விவரங்களையும் சரியாக உள்ளிட்டுள்ளீர்களா என்பதை உறுதிப்படுத்திக் கொள்ளுங்கள்.

IBPS RRB 2026: தகுதி வரம்பு மற்றும் சான்றிதழ் விதிகள்

தகுதி வரம்புகள் குறிப்பிட்ட தேதிகளின் அடிப்படையில் நிர்ணயிக்கப்பட்டுள்ளன. செப்டம்பர் 1, 2026 அன்றைய நிலவரப்படி வயதும், செப்டம்பர் 21, 2026 அன்றைய நிலவரப்படி கல்வித் தகுதி மற்றும் அனுபவமும் கணக்கிடப்படும். OBC நான்-கிரிமிலேயர் சான்றிதழ்கள் ஏப்ரல் 1, 2026 அன்றோ அல்லது அதற்குப் பிறகோ வழங்கப்பட்டதாக இருக்க வேண்டும். இது நேர்காணல் அல்லது சான்றிதழ் சரிபார்ப்பு வரை செல்லுபடியாகும். EWS சான்றிதழ்கள் 2026–27 நிதியாண்டிற்குரியதாக இருக்க வேண்டும்.

IBPS RRB 2026: தேவைப்படும் ஆவணங்கள் மற்றும் லைவ் போட்டோ விபரம்

பாஸ்போர்ட் சைஸ் போட்டோ, கையெழுத்து, இடது கை பெருவிரல் ரேகை, சுயகையெழுத்துப் பிரகடனம் (Handwritten Declaration), 10-ஆம் வகுப்புச் சான்றிதழ் மற்றும் PwBD உள்ளிட்ட பிற சான்றிதழ்களைத் தயார் நிலையில் வைத்துக்கொள்ளுங்கள். வெப்கேம் அல்லது மொபைல் மூலம் நேரடிப் புகைப்படம் (Live photo) எடுக்க வேண்டும். குறிப்பிட்ட அளவு விதிகளின்படி ஆவணங்களைப் பதிவேற்றுங்கள். முன்னோட்டம் (Preview) மங்கலாக இருந்தால் மீண்டும் பதிவேற்றம் செய்யுங்கள்.

IBPS RRB 2026: விண்ணப்பக் கட்டணம், பேமெண்ட் தோல்வி மற்றும் எடிட் விண்டோ

விண்ணப்பக் கட்டணம்: பொது, OBC மற்றும் EWS பிரிவினருக்கு ₹850; SC, ST மற்றும் PwBD பிரிவினருக்கு ₹175. ஆன்லைன் ரசீது (e-receipt) வரவில்லை என்றால் கட்டணம் செலுத்தப்படவில்லை என்று அர்த்தம். மீண்டும் லாகின் செய்து கட்டணம் செலுத்துங்கள். தோல்வியடைந்த பணத்தை வங்கிகள் விதிமுறைகளின்படி திரும்ப அளித்துவிடும். விண்ணப்பப் பதிவு முடிந்த பிறகு இரண்டு நாட்கள் 'எடிட் விண்டோ' திறக்கப்படும். ஆனால் பெயர், மின்னஞ்சல், மொபைல் எண், மாநிலம், பதவி, குடியுரிமை போன்றவற்றை மாற்ற முடியாது. பிரிவை (Category) எடிட் செய்ய ₹200 கட்டணம் வசூலிக்கப்படும்.

IBPS RRB 2026 தேர்வுக்கு ஆன்லைனில் விண்ணப்பிப்பது எப்படி?

முதலில் பதிவு செய்து, தற்காலிக லாகின் விவரங்களை குறித்துக்கொள்ளுங்கள். அதன்பின் தனிப்பட்ட விவரங்கள், கல்வி மற்றும் அனுபவ விபரங்களைப் பூர்த்தி செய்யுங்கள். சீரான வெளிச்சத்தில் லைவ் போட்டோ எடுத்து, ஆவணங்களைப் பதிவேற்றுங்கள். உங்கள் மாநிலம் அல்லது யூனியன் பிரதேசத்தை கவனமாகத் தேர்ந்தெடுங்கள்; இதை பின்னர் மாற்ற முடியாது. செப்டம்பர் 15, 2026 அன்று வெளியிடப்பட்ட புதிய காலிப்பணியிடப் பட்டியலின் அடிப்படையில் RRB முன்னுரிமைகளைத் தேர்ந்தெடுத்து, கட்டணம் செலுத்தி பிரிண்ட் எடுத்துக்கொள்ளுங்கள்.

இன்றே விண்ணப்பித்துக் கட்டணம் செலுத்தி, விண்ணப்பப் படிவத்தையும் ஆன்லைன் ரசீதையும் பத்திரமாக பிரிண்ட் எடுத்து வைத்துக்கொள்ளுங்கள். ஏதேனும் தவறு இருந்தால், எடிட் விண்டோ அறிவிப்புக்காக ibps.in இணையதளத்தைக் கவனியுங்கள். பேமெண்ட் அல்லது போர்ட்டலில் ஏதேனும் பிரச்சனை என்றால், IBPS-ன் 'Candidate Grievance Redressal System' மூலம் புகார் அளிக்கலாம். கடைசி நேர நிராகரிப்புகளைத் தவிர்க்க இப்பொழுதே விண்ணப்பத்தை பூர்த்தி செய்து சமர்ப்பியுங்கள்.