11-ம் வகுப்பிலிருந்தே நீட் தேர்வுக்கு தயாராக வேண்டுமா?

நாடெங்கும் இப்போது மருத்துவப் படிப்புகளில் சேர உதவும் நீட் தேர்வு குறித்துதான் பேச்சு நடைபெற்று வருகிறது. நீட் தேர்வை நீக்கவேண்டும் என்று சிலர் கேள்வி எழுப்பினாலும், நீட் தேர்வு நல்லதுதான் என்று ஆதரவு கொடுக்க பலர் உள்ளனர். நீட் தேர்வுக்காக 11-ம் வகுப்பு படிக்கும்போதே தயாராவதுதான் சிறந்ததுஎன்று கல்வியாளர்கள் தெரிவித்து வருகின்றனர்இதுதொடர்பான விவரங்களை கீழே பார்ப்போம்....
2024 - 25 ஆம் கல்வியாண்டிற்கான இளநிலை மருத்துவ, பல் மருத்துவ மாணவர் சேர்க்கைக்கு வழிவகுக்கும் நீட் தேர்வு அடுத்த ஆண்டு (2024) மே மாதம் 5-ம் தேதி நடைபெறும் என தேசிய தேர்வு முகமை (என்டிஏ) அறிவித்துள்ளது. அதே சமயம் இந்த தேர்வுக்கான முடிவுகள் 2024 -ம் ஆண்டு ஜூன் மாதத்தின் இரண்டாவது வாரத்தில் வெளியிடப்படும் எனவும் தெரிவிக்கப்பட்டுள்ளது.

இது மட்டுமின்றி ஐஐடி உள்ளிட்ட மத்திய அரசின் கல்வி நிறுவனங்களில் சேருவதற்கான ஜேஇஇ தேர்வுகள் இரண்டு அமர்வுகளாக நடைபெறும் என்று அறிவிக்கப்பட்டுள்ளது. அதன்படி ஜேஇஇ தேர்வின் முதல் அமர்வு ஜனவரி 24 ஆம் தேதி முதல் பிப்ரவரி 1 ஆம் தேதிக்குள்ளும், ஜேஇஇ தேர்வின் இரண்டாம் அமர்வு ஏப்ரல் 1 ஆம் தேதி முதல் ஏப்ரல் 15 ஆம் தேதிக்குள்ளும் நடத்தப்படும் என அறிவிப்பு வெளியாகியுள்ளது.
இளநிலை மருத்துவ படிப்புகளுக்கு நீட் நுழைவுத் தேர்வு நடத்தப்பட்டு வருகிறது. ஆனால் நீட் நுழைவுத் தேர்வானது அகில இந்திய பாடங்கள் (சிபிஎஸ்இ உள்ளிட்டவை) அடிப்படையில் மட்டுமே நடத்தப்படுகிறது.
எனவே, நீட் தேர்வுக்கு தயாராகும் மாணவச் செல்வங்கள், மாநில கல்வித் திட்டப் பாடங்களை மட்டுமல்லாமல் அகில இந்திய பாடங்களையும் (சிபிஎஸ்இ உள்ளிட்டவை) நன்கு படித்து மனப்பாடமாக வைத்திருப்பது நல்லது.

இந்த நீட் தேர்வானது 3 மணி நேர கால அளவைக்கொண்டதாகும்.
இந்தத் தேர்வில், இயற்பியலில் 45 வினாக்கள், வேதியியலில் 45 வினாக்கள், உயிரியலில் (தாவரவியல், விலங்கியல்) 90 வினாக்கள் என மொத்தம் 180 வினாக்கள் இடம்பெறும். சரியான விடையைத் தேர்வு செய்யும் கொள்குறி வழியிலான இந்தத் தேர்வில், மொத்த மதிப்பெண்கள் 720 ஆகும்.
ஒரு சரியான விடைக்கு 4 மதிப்பெண்கள் வழங்கப்படும். ஒரு தவறான விடைக்கு ஒரு மதிப்பெண் குறைக்கப்படும். தமிழ், ஆங்கிலம், இந்தி, தெலுங்கு, கன்னடம், குஜராத்தி, மராத்தி, ஒடியா, அஸ்ஸாமி, வங்காளம், உருது உள்ளிட்ட மொழிகளில் வினாத்தாள் இருக்கும்.

நீட் தேர்வு (NEET Exam) என்பது தேசிய தகுதிக்கான நுழைவுத் தேர்வைக் குறிப்பதாக அமைந்துள்ளதாக இதை அதிக மாணவர்கள் எழுதுகின்றனர். நாடு முழுவதும் உள்ள பல்வேறு மருத்துவப் பள்ளிகளில் மருத்துவப் படிப்புகளில் சேர விண்ணப்பிக்கும் விண்ணப்பதாரர்களால் நடத்தப்படும் ஒற்றை நிலை தேசியத் தேர்வாக அமைந்து உலக அளவில் கவனம் ஈர்த்துள்ளது. மாநில அளவில் நடத்தப்படும் பல நுழைவுத் தேர்வுகளின் முறைக்குப் பதிலாக, 2020 ஆம் ஆண்டு முதல் AIIMS & JIPMER நிறுவனங்களில் சேருவதற்குத் தேவையான ஒரே மருத்துவ நுழைவுத் தேர்வாக இந்தத் தேர்வு நடத்தப்பட்டு வருகிறது.

11-ம் வகுப்பு முதலே தயாராக வேண்டும்...

இந்த நீட் தேர்வுக்கு 11-ம் வகுப்பு படிக்கும் போதிலிருந்தே தயாராவது அவசியம். தேர்வின் போட்டித்தன்மை ஆண்டுக்கு ஆண்டு அதிகரித்து வருகிறது. ஒருவர் வெற்றி பெறவும், மருத்துவ சீட்டை நிரப்ப தகுதியுடையவராகவும் இருக்க வேண்டுமென்றால், மிகச்சிறந்த திட்டத்தைக் கொண்டிருக்க வேண்டும். அதாவது நன்கு படித்து போதிய மதிப்பெண்ணைப் பெறுவதற்குத் தயாராகி இருக்கவேண்டும்.
போதிய மதிப்பெண் பெற ஒரு ஆய்வுத் திட்டம், முழுமையாக திரும்பப் படித்தல் (ரிவைஸ்), 11 மற்றும் 12 ஆம் வகுப்புகளுக்கான என்சிஇஆர்டி(NCERT) பாடத்திட்டத்தின் தேர்ச்சி, முந்தைய தேர்வு வினாக்களுடன் தெரிந்திருத்தல் ஆகியவற்றை பின்பற்றவேண்டும்.
இதற்காக நாம் 11-ம் வகுப்பிலிருந்தே நீட் தேர்வுக்குத் தயாராவது சிறந்தது என்று கல்வியாளர்கள் யோசனை தெரிவிக்கின்றனர்.

முதலில் செய்ய வேண்டியது என்ன...

நீட் தேர்வுதான் நமது இலக்கு என்று வைத்துக் கொண்டால் முதலில் நீட் தேர்வில் வெற்றி பெறுவதற்குத் தேவையான புத்தகங்கள், மாதிரி வினா-விடைகள், புத்தகங்களை சேகரிக்கத் தொடங்குவது நல்லது. நீங்கள் நீட் (NEET) தயாரிப்புகளைத் தொடங்குவதற்கு முன் நீங்கள் எடுக்க வேண்டிய மிக முக்கியமான படி இதுவாகும்.

எந்தவொரு பணியிலும் நீங்கள் சிறந்து விளங்க, தயாரிப்பில் உங்களுக்கு உதவும் சரியான மூலப் பொருட்கள் (புத்தகங்கள், வினா-விடை வங்கிகள்) உங்களுக்குத் தேவை. இணையத்திலும் மார்க்கெட்டிலும் நூற்றுக்கணக்கான நீட் புத்தகங்கள் மற்றும் ஆய்வுப் பொருட்கள், மாதிரி வினா-விடை வங்கிகள், ஏற்கெனவே வெளியான நீட் தேர்வு வினாத்தாள்கள் உள்ளன உள்ளன. எனவே நீங்கள் சரியான புத்தகங்களைத் தேர்வு செய்கிறீர்களா என்பதை உறுதிப்படுத்துவது உங்கள் பொறுப்பு. பள்ளியில் உங்கள் மூத்தவர்கள் மற்றும் ஆசிரியர்கள், விரிவுரையாளர்களின் உதவியை நாடலாம். இது உங்கள் தேடலின் செயல்முறையை எளிதாக்குகிறது.

வெற்றிகரமான டாக்டராக...

12-ம் வகுப்பு பொதுத் தேர்வில் கலந்து கொண்ட மருத்துவ படிப்பு ஆர்வலர் ஒருவர் நீட் தேர்வில் கவனம் செலுத்துகிறார் . இந்தியாவில் ஒரு வெற்றிகரமான டாக்டராக மாறுவதற்கு நீட் தேர்வில் வெற்றி பெறுவது ஒரு படியாகும். இந்த நுழைவுத் தேர்வில் தேர்ச்சி பெறுவதன் மூலம் அவர்கள் இந்தியாவில் உள்ள எந்த மருத்துவ நிறுவனத்திலும் சேர்க்கை பெறுவதற்கும் மேலும் நிலைகளைத் தொடரவும் தகுதியைப் பெறுகின்றனர். ஆண்டுதோறும் நடத்தப்படும் இந்த போட்டித் தேர்வு முறியடிக்க மிகவும் கடினமான தேர்வாகக் கருதப்படுகிறது. இதன் விளைவாக, ஆர்வமுள்ள விண்ணப்பதாரர்கள் அடுத்த 2 மாதங்களில் முடிந்தவரை தயார்படுத்துவதற்கு அதிக நேரத்தை ஒதுக்குமாறு அறிவுறுத்தப்படுகிறார்கள். அதற்காக 11-ம் வகுப்பு தொடங்கும்போதே நீங்கள் நீட் தேர்வுக்கான படிப்பையும் தொடங்கவேண்டும்.

சுயமாகப் படித்தல்....

நீங்கள் நீட் தேர்வுக்கான பயிற்சியில் சேர்ந்திருந்தாலும், நீட் தேர்வுக்கான ஆன்லைன் வகுப்புகளுக்குச் சேர்ந்திருந்தாலும் இல்லாவிட்டாலும், சுயமாகப் படித்து, படிப்பு நுணுக்கங்களை வளர்த்துக்கொள்வது எந்தவொரு தேர்விலும் தேர்ச்சி பெறுவதற்கு முக்கியமானது. சில சமயங்களில், சுய-ஆய்வு சற்று அதிகமாக இருக்கலாம், ஆனால் விளைவு இது உண்மையிலேயே பலனளிக்கிறது. எந்த இலக்கையும் அடைய ஒரே உண்மையான வழியாக இது இருக்கலாம் என்று நிபுணர்கள் தெரிவிக்கின்றனர்.

ஒவ்வொரு பாடத்துக்கும் குறிப்புகள் எடுத்துக் கொள்வது நல்லது. அனைத்து தகவல்களையும் குறித்து வைத்துக் கொள்வது சிறப்பு, பாடங்கள், அத்தியாயங்களின் சிறப்பம்சங்கள், சுருக்க புள்ளிகள், தொகுதிகளிலிருந்து தகவல் மற்றும் பலவற்றை எடுத்துக் கொள்ளுங்கள்
ஒவ்வொரு அத்தியாயத்திற்கும் கவர்ச்சிகரமான குறிப்புகளைத் தயாரிக்க வேண்டும். முக்கிய குறிப்புக முன்னிலைப்படுத்தவும் ஃபிளாஷ் கார்டுகள், இன்போ கிராபிக்ஸ், சிலந்தி வரைபடங்கள், பாய்வு விளக்கப்படங்கள் ஆகியவற்றைப் பயன்படுத்தவும்.

குறிப்புகள் மிருதுவாகவும் சுருக்கமாகவும் இருக்கட்டும். என்சிஇஆர்டி பாடப்புத்தகங்களில் பயன்படுத்தப்படும் பாடங்களை அப்படியே கையாள வேண்டாம். தொடர்புடைய ஆன்லைன் பாடத் தகவல்களைத் தேடி குறிப்பு எடுத்து படிக்கவேண்டும்.

பாடத்திட்ட நகல் தயார்
தேசியத் தேர்வு முகமை எனப்படும் என்டிஏ (NTA -National Testing Agency) மூலம் குறிப்பிடப்பட்டுள்ள நீட் (NEET) பாடத்திட்டத்தின் சமீபத்திய நகலின் விரிவான பிரிண்ட்அவுட்டை எடுத்து அதைத் தொடர்ந்து படித்து வரவேண்டும்.

இந்தப் பாடத்திட்டத்தில் கொடுக்கப்பட்டுள்ள தலைப்புகள் (டாப்பிக்), வினா-விடைகளைப் படித்துத் தயாரக இருக்கவேண்டும். நீட் வினாத்தாளில் கேட்கப்படும் அனைத்து தலைப்புகளையும் கவனமாகப் பார்க்கவேண்டும்.

இலக்கு வைத்து செயல்படுதல்

நீட் தேர்வுக்கு 11-ம் வகுப்பிலிருந்தே படித்துத் தயாராவது முக்கியம். ஆசிரியர் சொல்லித் தரும் பாடங்கள், மாநில பாடத்திட்டப் பாடங்கள், சிபிஎஸ்இ பாடங்களை அடிக்கடி படித்துப் பார்த்து தயாராவது சிறந்தது. இவ்வாறு படிக்கும்போது, நீட் தேர்வுக்கு (NEET) தயாராவது ஒரு கடினமான பணி அல்ல என்பதை நீங்கள் உணர்ந்துகொள்ள முடியும். ஆனால் அதற்கு உங்களிடமிருந்து தொடர்ச்சியான முயற்சி தேவை. நீட் தேர்வு தயாரிப்பு என்பது 100 மீட்டர் ஓட்டப்பந்தயம் அல்ல, மாறாக அது ஒரு நீண்ட மராத்தான் பந்தயம் என்பதை புரிந்துகொள்வது அவசியமாகும்.

அங்கு நீங்கள் தொடர்ந்து உங்கள் சிறந்த கால்களை முன்னோக்கி வைத்து ஓடிக் கொண்டே இருக்க வேண்டும். ஒரே நாளில் அதிக பாடங்களைப் படிக்க வேண்டும். அதற்குப் பதிலாக, ஒவ்வொரு நாளும் 3 பக்கங்கள் அல்லது 2 தலைப்புகளை முடிப்பது போன்ற சிறிய இலக்குகளை வைத்துக் கொண்டு படியுங்கள். மாணவர்கள், தங்களுக்கு உந்துதலாக இருக்க இந்த சிறிய இலக்குகளை அடைய முயற்சி செய்யலாம். இதனால் குறைந்த நாட்களிலேயே அதிகப் பாடங்களை படித்து தேர்ச்சி அடைய முடியும்.

2 ஆண்டுகள்...

நீட் தேர்வுக்காக 11-ம் வகுப்பிலேயே பாடத்தைப் படிப்பதால் நமக்கு நீண்ட கால அவகாசம் கிடைக்கிறது. சுமார் 2 ஆண்டுகளுக்கும் மேலாக நீட் தேர்வுக்கான பாடங்கள், மாதிரி வினா-விடைகளை படித்து நாம் எளிதில் தேர்ச்சி அடைய முடியும்.

என்சிஇஆர்டி புத்தகங்கள்

நீட் தேர்வுக்குத் தயாராகும் மாணவச் செல்வங்கள் என்சிஇஆர்டி புத்தகங்களை வாங்கப் படித்து தேர்ச்சி பெறலாம். இந்த என்சிஇஆர்டி(NCERT) புத்தகங்கள் உங்கள் நீட் (NEET) தயாரிப்பிற்கான அடித்தளத்தையும் அடிப்படையையும் வழங்குகிறது என்று கல்வியாளர்கள் உறுதியாகத் தெரிவிக்கின்றனர்.என்சிஇஆர்டி புத்தகங்களைப் படிப்பது சிக்கலான நீட் கேள்விகளைத் தீர்க்கும் வகையிலும் அடிப்படைக் கருத்துகளைப் புரிந்துகொள்ளவும் உதவுகிறது.

நீட் தேர்வு தொடர்பாக அதிகாரப்பூர்வமான நீட் (NEET) இணையதளத்தைத் தவிர, நீட் தேர்வு குறித்த சமீபத்திய தகவல்களை வழங்கும் பிற இணையதளங்களையும் நீங்கள் அடிக்கடி பார்த்து வருவது நல்லது. மருத்துவ உலகில் என்ன நடக்கிறது என்பதைப் பற்றி அறிந்துகொள்வதன் மூலம் நீங்கள் படிப்பில் எவ்வளவு ஆர்வமாக இருக்கிறீர்கள் என்பதை அறிய முடியும்.

11-ம் வகுப்பிலிருந்தே இந்த நீட் தேர்வுக்குத் தயாராகும்போது மற்றவர்களைக் காட்டிலும், அவர்கள் தேர்வில் வெற்றி பெறுவதற்கான வாய்ப்புகள் அதிகமாகிறது என்று கல்வியாளர்கள் தெரிவிக்கின்றனர்.
தேர்வி வெற்றி பெற வாழ்த்துக்கள் மாணவச் செல்வங்களே....!!