சென்னை பல்கலை தொலைநிலைக் கல்வி நிறுவன சேர்க்கை ஆக.19 வரை நீட்டிப்பு!

சென்னைப் பல்கலைக்கழகத்திற்கு உட்பட்ட தொலைநிலைக் கல்வி நிறுவன இளநிலை, முதுநிலை பட்டப்படிப்புகளில் சேர்க்கை தேதியினை வரும் ஆகஸ்ட் 19-ஆம் தேதி வரை நீட்டிக்கப்படுவதாகச் சென்னைப் பல்கலைக் கழகம் அறிவித்துள்ளது.

இதுகுறித்து அப்பல்கலைக் கழகம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:-

தொலைநிலை கல்வி நிறுவன இளநிலை, முதுநிலைப் பட்டப் படிப்புகளில் 2019-ஆம் ஆண்டுக்கான சேர்க்கை ஆகஸ்ட் 19 வரை நீட்டிக்கப்பட்டுள்ளது. விருப்பமுள்ள மாணவர்கள் தொலைநிலைக் கல்வி நிறுவன ஒற்றைச் சாளர மையம் மூலமாக சேர்க்கையினைப் பெறலாம். அல்லது http://online.ideunom.ac.in என்னும் இணையதளம் மூலமாகவும் ஆன்லைன் வழியில் சேர்க்கை பெறலாம் எனத் தெரிவிக்கப்பட்டுள்ளது.