ஏப்ரல் 25-ல் வெளியாகிறது கேரள மாநிலம் 10-ம் வகுப்புத் தேர்வு முடிவுகள்...!!

டெல்லி: கேரள மாநில 10-ம் வகுப்புத் தேர்வு முடிவுகள் ஏப்ரல் 25-ம் தேதிகள் வெளியாகும் என்று எதிர்பார்க்கப்படுகிறது. கேரள மாநிலத்தில் 10-ம் வகுப்புத் தேர்வுகள் மார்ச் 9- ம் முதல் மார்ச் 25-ம் தேதி வரை நடைபெற்றன.

தேர்வு விடைத்தாள்களைத் திருத்தும் பணி தற்போது நடைபெற்று வருகிறது. விரைவில் இந்தப் பணிகள் முடிவடையும். அதைத் தொடர்ந்து மதிப்பெண் சான்றிதழ்கள் தயாரிக்கும் பணி நடைபெறும்.

கடந்த ஆண்டு 10-ம் வகுப்புத் தேர்ச்சி விகிதம் 95.85 சதவீதமாக இருந்தது. இது இந்த ஆண்டு மேலும் அதிகரிக்கும் என்று எதிர்பார்க்கப்படுகிறது.

ஆண்டுதோறும் இரண்டு முறை 10-ம் வகுப்புத் தேர்வை கேரளா வாரியம் நடத்தி வருகிறது. முதல் தேர்வு மார்ச் மாதத்திலம், அதைத் தொடர்ந்து மே அல்லது ஜூன் மாதத்தில் துணைத் தேர்வு நடத்தப்பட்டு வருகிறது.