11, 12-ம் வகுப்பு சிறப்பு துணைத்தேர்வுகள்: மறுமதிப்பீடு முடிவுகள் இன்று வெளியீடு

தமிழகத்தில் கடந்த ஜூன் மாதம் நடைபெற்ற 11 மற்றும் 12ம் வகுப்பு சிறப்புத் துணைத்தேர்வு எழுதி மறுகூட்டல், மறுமதிப்பீடு கோரி விண்ணப்பித்தவர்களில் மதிப்பெண் மாற்றம் செய்யப்பட்ட தேர்வர்களின் பட்டியல் இன்று (ஆகஸ்ட் 14) வெளியிடப்படவுள்ளது.

விண்ணப்பதாரர்கள் தங்களுக்கான மதிப்பெண் பட்டியலை scan.tndge.in என்ற இணையதளத்தில் இன்று (புதன்கிழமை) பிற்பகல் 2 மணி முதல் பதிவிறக்கம் செய்து கொள்ளலாம்.

மேலும், விண்ணப்பித்தவர்களில் இந்தப் பட்டியலில் இல்லாத பதிவெண்களுக்கான விடைத்தாள்களில் எவ்வித மாற்றமும் இல்லை எனத் தெரிவிக்கப்படுகிறது.
மதிப்பெண்களில் மாற்றம் உள்ள தேர்வர்கள் இன்று பிற்பகல் 2 மணி முதல் www.dge.tn.nic.in என்ற இணையதளத்தில் தங்களது பதிவெண் மற்றும் பிறந்த தேதி ஆகிய விவரங்களை பதிவு செய்து தங்களுக்கான திருத்தப்பட்ட மதிப்பெண்கள் அடங்கிய தற்காலிக மதிப்பெண் சான்றிதழ்களைப் பதிவிறக்கம் செய்து கொள்ளலாம்.