JEE Main Exam: ஜேஇஇ மெயின் தேர்வுக்கான அனுமதிச் சீட்டு வெளியீடு!

2020 ஜனவரி மாதத்தில் நடைபெறவுள்ள ஜேஇஇ மெயின் தேர்விற்கான அனுமதிச் சீட்டு இன்று வெளியிடப்படும் என அறிவிக்கப்பட்டுள்ளது.

நாடு முழுவதும் உள்ள ஐ.ஐ.டி, என்ஐடி உள்ளிட்ட அனைத்து பொறியியல் கல்லூரிகளில் சேர்க்கைக்காகப் பிரதான நுழைவுத் தேர்வு ஜேஇஇ (JEE) நடத்தப்படுகிறது. 2020-ஆம் கல்வியாண்டிற்கான ஜேஇஇ நுழைவுத் தேர்வு அறிவிப்பு கடந்த அக்டோபர் மாதம் வெளியிடப்பட்டது. ஜனவரி 6 மற்றும் 11 ஆகிய தேதிகளில் JEE Main 2020 தேர்வு நடைபெற உள்ளது.

தற்போது ஜேஇஇ மெயின் தேர்விற்கான தேர்வு நுழைவுச்சீட்டு டிசம்பர் 6 (இன்று) வெளியிடப்படும் என அறிவிக்கப்பட்டுள்ளது.

இத்தேர்விற்கு விண்ணப்பித்த மாணவர்கள் தங்களுடைய தேர்வு நுழைவுச் சீட்டினை jeemain.nta.nic.in என்னும் அதிகாரப்பூர்வ இணையதளத்திலிருந்து பெற்றுக் கொள்ளலாம்.