இன்டெர்வியூல பாடி-லாங்வேஜ் மூலம் எப்படியெல்லாம் ஸ்கோர் பண்ணலாம்?

புன்னகை

இன்டர்வியூ அறையில் நுழைந்த உடன் சிறு புன்னகையுடன் முதல் வணக்கத்தை தெரிவியுங்கள். உங்கள் புன்னகை இயல்பாக இருக்க வேண்டும். மேல்நோக்கி குவிந்திருக்கும் இதழ்கள் நீங்கள் எப்போதும் சிரித்த முகத்துடன் இருப்பதை காட்டும். கீழ் நோக்கிய இதழ்கள் பல விஷயங்களை நம்மும் புதைத்து வைத்திருப்பதை காட்டுவதாக அமையும். நேராக குவிந்திருக்கும் இதழ்கள் இரண்டும் கலந்த எண்ணம் கொண்டவர்களாக நம்மை பிரதிபலிக்கும்.

நடை

நேர்முகத்தேர்வுக்கான அழைப்பு வந்த உடன் நடையில் கவனம் தேவை. நடை என்றால் சும்மா சுறுசுறுப்பாக எழுந்து ஓடும் கன்றுக்குட்டி போல் இருக்க வேண்டும். நேராக நிமிர்ந்த நடையுடன் உள்ளே சென்றால் உங்களுக்கு இன்டெர்வியூ மீது எந்த பயமும், பதட்டமும் இல்லை. உறுதியாக இருக்கிறீர்கள் என்று அர்த்தம். இதுவே மெதுவாக நகர்கிறீர்கள் என்றால் சிறு பதட்டத்துடன் இருப்பதாக அர்த்தம்.

"சித்திரமும் கைப்பழக்கம் செந்தமிழும் நாப்பழக்கம்
வைத்ததொரு கல்வி மனப்பழக்கம் - நித்தம்
நடையும் நடைப்பழக்கம் நட்பும் தயையும்
கொடையும் பிறவிக் குணம்".

நடை பழக்கம் என்பது மேற்கூறிய ஔவையின் பாடலின் படி நடந்து பழகினால் மட்டும் போதும். எளிதாக கற்று விடக்கூடியதுதான்.

கை குலுக்கல்

தேர்வுக் குழுவினர் கை குலுக்கினால், அழுத்தமான மற்றும் உறுதியான கை குலுக்கலாக உங்களுடையதை வைத்துக் கொள்ள வேண்டும். கண்ணும், கையும் பேசும்படி கை குலுக்கினால் நேர்மையான, நம்பிக்கைகுரிய கைகுலுக்கலாக அமைகிறதாம். இதுவே கண் பார்வையை தவிர்த்து கைகுலுக்கும் போது இவர் சுயநலக்காரர், என்பது போன்ற எதிர்மறையான கருத்துக்களை பதிவு செய்வதாக அமையும்.

அமர்தல்

அறைக்குள் நுழைந்த உடன் அமரச் சொல்லும் வரை காத்திருங்கள். அவர்கள் அமரச் சொன்னதும், நன்றி கூறி அமரலாம். முக்கியமாக ஃப்ரீயாக அமர்வது அவசியம். எனினும், நீங்கள் அமரும் விதம், நம்பிக்கையை வெளிப்படுத்துவதாக இருக்க வேண்டும். நேர்முகத் தேர்வு செய்பவர்களை நோக்கி, நன்றாக நிமிர்ந்து உட்காருங்கள். கால்களை குறுக்காகப் போட்டுக் கொண்டோ, பைலை முகத்திற்கு எதிராக வைத்துக் கொண்டோ, ஒரு புறமாக சாய்ந்தே, நுனி சீட்டில் அமருவதை தவிர்க்கலாம்.

திரும்புதல்

இன்டெர்வியூ அறையை விட்டு திரும்புகையில் மிடுக்கான நடையுடன், திரும்ப வேண்டும், எப்படி என்றால் "ஜெயித்தாலும், தோத்தாலும் மீசைய முறுக்கு" என்பது போல், தளர்வான நடை ஏதோ கப்பல் கவுந்ததைப் போல் திரும்புவது உங்களுக்கு இந்த வேலை கிடைக்கும் என்ற நம்பிக்கை இல்லை என்பதை காட்டுவதாக அமையும்.

மேற்கூறியவைகளை பின்பற்றினலே பாதி பாஸ் மார்க் வந்துவிடும் மீதி மார்க் நம்மகிட்ட என்ன திறமை இருக்கு என்பதை பொறுத்து அமையும்.