இன்டெர்வியூவில் ‘பாடி-லாங்வேஜ்’ மூலம் எப்படி ஸ்கோர் பண்ணலாம்?

Posted By: Kani

இன்டெர்வியூ பீதியில், சிலருக்கு பெயரை செல்லி அழைத்த உடன் நன்கு தெரிந்த விஷயங்கள் கூட, சில நேரங்களில் முற்றிலும் மறந்து போக வாய்ப்புள்ளது.

இன்டெர்வியூவை பொறுத்தமட்டில் பல்வேறு விஷயங்கள் தெரிந்து வைத்திருப்பதை விட, அவற்றை அவர் எப்படி தக்க நேரத்தில் வெளிப்படுத்துகிறோம் என்பதில்தான் வெற்றிக்கான வாய்ப்புகள் அடங்கியுள்ளது.

இன்டெர்வியூவில் ‘பாடி-லாங்வேஜ்’ மூலம் எப்படி ஸ்கோர் பண்ணலாம்?

நமக்கு தெரிந்த விஷயங்களை வெளிப்படுத்துவதில், கண்கள், வார்த்தைகளை தவிற பாடிலாங்வேஜ் எனப்படும், உடல் மொழி முக்கியமான இடத்தைப் பிடிக்கிறது. இன்டெர்வியூவில் பாடி-லாங்வேஜ் மூலம் எப்படி ஸ்கோர் பண்ணலாம்? என்பது குறித்த சில விஷயங்களை இங்கு பார்க்கலாம்.

புன்னகை:

இன்டர்வியூ அறையில் நுழைந்த உடன் சிறு புன்னகையுடன் முதல் வணக்கத்தை தெரிவியுங்கள். உங்கள் புன்னகை இயல்பாக இருக்க வேண்டும். மேல்நோக்கி குவிந்திருக்கும் இதழ்கள் நீங்கள் எப்போதும் சிரித்த முகத்துடன் இருப்பதை காட்டும்.

கீழ் நோக்கிய இதழ்கள் பல விஷயங்களை நம்மும் புதைத்து வைத்திருப்பதை காட்டுவதாக அமையும். நேராக குவிந்திருக்கும் இதழ்கள் இரண்டும் கலந்த எண்ணம் கொண்டவர்களாக நம்மை பிரதிபலிக்கும்.

நடை:

நேர்முகத்தேர்வுக்கான அழைப்பு வந்த உடன் நடையில் கவனம் தேவை. நடை என்றால் சும்மா சுறுசுறுப்பாக எழுந்து ஓடும் கன்றுக்குட்டி போல் இருக்க வேண்டும். நேராக நிமிர்ந்த நடையுடன் உள்ளே சென்றால் உங்களுக்கு இன்டெர்வியூ மீது எந்த பயமும், பதட்டமும் இல்லை. உறுதியாக இருக்கிறீர்கள் என்று அர்த்தம்.

இதுவே மெதுவாக நகர்கிறீர்கள் என்றால் சிறு பதட்டத்துடன் இருப்பதாக அர்த்தம்.

"சித்திரமும் கைப்பழக்கம் செந்தமிழும் நாப்பழக்கம்
வைத்ததொரு கல்வி மனப்பழக்கம் - நித்தம்
நடையும் நடைப்பழக்கம் நட்பும் தயையும்
கொடையும் பிறவிக் குணம்".

நடை பழக்கம் என்பது மேற்கூறிய ஔவையின் பாடலின் படி நடந்து பழகினால் மட்டும் போதும். எளிதாக கற்று விடக்கூடியதுதான்.  

கை குலுக்கல்:

தேர்வுக் குழுவினர் கை குலுக்கினால், அழுத்தமான மற்றும் உறுதியான கை குலுக்கலாக உங்களுடையதை வைத்துக் கொள்ள வேண்டும். கண்ணும், கையும் பேசும்படி கை குலுக்கினால் நேர்மையான, நம்பிக்கைகுரிய கைகுலுக்கலாக அமைகிறதாம்.

இதுவே கண் பார்வையை தவிர்த்து கைகுலுக்கும் போது இவர் சுயநலக்காரர், என்பது போன்ற எதிர்மறையான கருத்துக்களை பதிவு செய்வதாக அமையும்.

அமர்தல்:

அறைக்குள் நுழைந்த உடன் அமரச் சொல்லும் வரை காத்திருங்கள். அவர்கள் அமரச் சொன்னதும், நன்றி கூறி அமரலாம். முக்கியமாக ப்ரீயாக அமர்வது அவசியம். எனினும், நீங்கள் அமரும் விதம், நம்பிக்கையை வெளிப்படுத்துவதாக இருக்க வேண்டும்.

நேர்முகத் தேர்வு செய்பவர்களை நோக்கி, நன்றாக நிமிர்ந்து உட்காருவதே நல்லது. கால்களை குறுக்காகப் போட்டுக் கொண்டோ, பைலை முகத்திற்கு எதிராக வைத்துக் கொண்டோ, ஒரு புறமாக சாய்ந்தே, நுனி சீட்டில் அமருவதை தவிர்க்கலாம்.

திரும்புதல்:

இன்டெர்வியூ அறையை விட்டு திரும்புகையில் மிடுக்கான நடையுடன், திரும்ப வேண்டும், எப்படி என்றால் "ஜெயித்தாலும், தோத்தாலும் மிசைய முறுக்கு " என்பது போல், தளர்வான நடை ஏதோ கப்பல் கவுந்தார் போல் திரும்புவது உங்களுக்கு இந்த வேலை கிடைக்கும் என்ற நம்பிக்கை இல்லை என்பதை காட்டுவதாக அமையும்.

மேற்கூறியவைகளை பின்பற்றினலே பாதி பாஸ் மார்க் வந்துவிடும் மீதி மார்க் நம்மகிட்ட என்ன திறமை இருக்கு என்பதை பொறுத்து அமையும்.

சென்னையில் 'ஜாவா டெவலப்பர்' வாக்-இன்!

For Quick Alerts
ALLOW NOTIFICATIONS  
For Daily Alerts

    English summary
    How to Use Body Language to Score Big in a Job Interview

    உடனுக்குடன் கல்வி , வேலைவாய்ப்பு தகவல்கள் பெறுங்கள் , வேலை & கல்வி தகவல் தளம்
    Tamil Careerindia

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Careerindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Careerindia website. However, you can change your cookie settings at any time. Learn more