உங்க "லிங்கிடு இன்"ல இந்த 10 விஷயம் சரியா இருந்தா... வேலை கேரண்டி!

1. தொடர்பு :

முதலில் நாம் எத்தனை நபர்களுடன் லிங்கிடு இன் தொடர்பில் இருக்கிறோம் என்பது முக்கியம். குறைந்தது 100 பேருடனாவது இணைப்பில் இருக்கிறோமா என்பதை செக் செய்து கொள்ளுங்கள்.

2. புகைப்படம் :

லிங்கிடு இன் மூலமாக வேலை பெற வேண்டுமென்றால் ஃபேஸ்புக்கில் வைத்திருக்கும் புகைப்படம் போல் அல்லாமல் நல்ல நேர்த்தியான புகைப்படத்தை முகப்பு படமாக வைத்துள்ளீர்களா என்பதை சோதித்து பார்த்துக் கொள்ளுங்கள்.

3. தலைப்பு :

நமது வேலை தொடர்பான ஹெட்லைன் புரபைல், பார்பவர்களை சுண்டி இழுப்பது போல் இருக்க வேண்டும். அதை விட கூகுள் தேடு பொரியில் தேடப்படும் வார்த்தைகளை ஹெட்லைனில் பயன்படுத்துவது கூடுதல் பலம் சேர்க்கும் என்பதை மறவாதீர்கள்.

4. நீங்கள் யார் :

உங்களுடைய சம்மரி என்று சொல்லக்கூடிய பணி விபரங்களில், உங்களுக்கு என்ன தெரியும், உங்களால் நிர்வாகத்திற்கு என்ன பயன், நீங்கள் முன்பு பணியாற்றிய நிர்வாகத்தில் உங்களுடைய பணி என்ன போன்ற விபரங்களை தெளிவாக குறிப்பிட மறக்காதீர்கள்.

5. பணி அனுபவம் :

இந்தப்பகுதியில் நீங்கள் அனுபவத்தை இரண்டு விதமான முறையில் விடியோ பைலாகவே, இமேஜ் பைலாகவே கொடுக்கலாம். மற்றொன்று கட்டுரை வடிவமாக கொடுக்கலாம். இதில் முந்தைய நிர்வாகத்தில் நீங்கள் எதிர்நோக்கிய சேலஞ்சான விஷயம் என்ன என்பதையும் குறிப்பிட மறக்காதீர்கள்.

6. ரெக்கமெண்ட் :

குறைந்தது 3 நபர்களையாவது ரெக்கமெண்ட் வழங்க தயார் நிலையில் வைத்துக்கொள்ள வேண்டும். குறைந்தபட்சம் 15 முறையாவது யாராவது உங்களுக்கு பரிந்துரை செய்திருக்க வேண்டும். இதன் மூலம் நாம் ஒரு ஆரோக்கியமான குழுவுடன் பயணிக்கிறோம் என்ற ஒரு நிலையை பதிவு செய்யலாம்.

7. நெட்வெர்க் :

நீங்கள் குறைந்தது 25 குழுவிலாவது இருக்குமாறு பார்த்து கொள்ளுங்கள். அந்தக்குழுவில் கண்டிப்பாக வாரம் ஒரு முறையாவது உங்களுடைய கட்டுரை இடம்பெறும் வகையில் பார்த்து கொள்வது அவசியம்.

8. பின் தொடர்தல் :

குறைந்தபட்சமாக நம் பணிபுரியும் துறை சார்ந்த ஒரு 5 நிறுவனங்களையாவது பின்தொடர மறக்கவேண்டாம்.

9. குறுஞ்செய்தி :

ஒரு வாரத்திற்கு தெரிந்த ஒரு சிலருக்கும், தெரியாத ஒருவருக்கும் அது சிறு விளக்கம் கேட்பதாகவே, அல்லது உதவி வேண்டுவதாக என எது வேண்டுமானலும் இருக்கலாம். குறுஞ்செய்திகளை அனுப்ப மறக்காதீர்கள்.

10. கமெண்ட் :

நீங்கள் பங்குபெற்றுள்ள குழுக்களில் குறைந்தது வாரத்திற்கு ஒரு முறையாவது மற்றவர்களின் பதிவுகளுக்கு கமெண்ட் செய்ய மறக்காதீர்கள்.