வேலூர் விஐடி-யில் எம்.டெக் சேர விண்ணப்பங்கள் விநியோகம்!

சென்னை: இந்தியாவின் உயர்கல்வி நிறுவனங்களில் பிரதான இடம் பிடித்துள்ள வேலூர் இன்ஸ்டிடியூட் ஆஃப் டெக்னாலஜி பல்கலைக்கழகத்தில் (விஐடி) எம்.டெக் சேர விண்ணப்பங்கள் வரவேற்கப்படுகின்றன.

2016-ம் ஆண்டில் இந்த படிப்பு தொடங்கவுள்ளது. இந்த படிப்புக்கு டிசம்பர் 4-ம் தேதிக்குள் ஆன்-லைனில் விண்ணப்பம் செய்யவேண்டும்.

இந்த படிப்பில் சேர என்ஜினீயரிங் அல்லது டெக்னாலஜி துறையில் இளநிலை படிப்பில் தேர்ச்சி பெற்றிருக்கவேண்டும். இல்லையெனில் அறிவியல், கம்ப்யட்டர் அப்ளிகேஷன் பிரிவில் பட்டமேல்படிப்பை முடித்திருக்கவேண்டும். மேலும் 60 சதவீத மதிப்பெண்களையும் பெற்றிருக்கவேண்டும்.

ஆன்-லைனில் மட்டுமே இதற்கு விண்ணப்பிக்கவேண்டும். விண்ணப்பக் கட்டணமாக ரூ.950-ஐ நெட்பேங்க்கிங், கிரெடிட் கார்ட், டெபிட் கார்ட் மூலமாகவோ அல்லது கேட்புக் காசோலையாகவோ செலுத்தலாம்.

மாணவ,மாணவிகளின் கல்வித் திறனைக் கொண்டு மாணவர்கள் இந்த படிப்பில் சேர்த்துக கொள்ளப்படுவர். இதைத் தொடர்ந்து தேர்வு, நேர்முகத் தேர்வும் இருக்கும்.

விண்ணப்பங்களை அனுப்ப கடைசி தேதி டிசம்பர் 4 ஆகும். எழுத்துத் தேர்வு மற்றும் நேர்முகத் தேர்வு டிசம்பர் 12-ம் தேதி நடைபெறும்.

மேலும் விவரங்களுக்கு விஐடி பல்கலைக்கழகத்தின் அதிகாரப்பூர்வ இணையதளமான http://www.vit.ac.in-ல் தொடர்புகொள்ளலாம்.