ப்ளீஸ் பாருங்க ... உங்க ஊர்ல போலி பல்கலைக்கழகம் இருக்கு?

'போலி' என்ற வார்த்தையை அறியாதவர்கள் இருக்க மாட்டார்கள்; ஆனா இதிலும் போலி? என நினைக்க தோன்றும் அளவுக்கு போலி வாழ்வில் ஒரு அங்கமாகிவிட்டது.

தலை முதல் பாதம் வரை, நாம் அன்றாடம் பயன்படுத்தும் பொருள்களில், போலிகள் கோலோச்சு இருக்கிறது.
அந்தவரிசையில், நமக்கு கல்வி கற்று தரும் நிறுவனங்கள், பல்கலைக்கழகங்களும் போலி என்றால் உங்களால் ஜீரணித்து கொள்ள முடியும்? நம்பி தான் ஆகனும்.

அசலை விட, போலிகளை கண்டறிய ஒரு அசாத்திய திறமை வேண்டும். அந்தளவுக்கு இந்தியா மட்டுமின்றி உலகளவில் போலியின் தாக்கம் வேரூன்றி ஊடுருவியுள்ளது.

அந்த வரிசையில், நாடு முழுவதும் செயல்பட்டு வந்த போலி பல்கலைக்கழகங்களின் பட்டியலை வெளியிட்டு, பல்கலைக்கழக மானியக்குழு அதிர்ச்சியை ஏற்படுத்தியுள்ளது.

எது பல்கலைக்கழகம்

கடந்த 1956ஆம் ஆண்டு, பல்கலைக்கழக மானியக் குழு சட்டத்தின் 22ம் பிரிவின் கீழ், மத்திய அரசின் சட்டத்தின்படி ஏற்படுத்தப்பட்ட பல்கலைக்கழகமும்; மாநில மற்றும் பிராந்திய அரசின் சட்டத்தால் ஏற்படுத்தப்பட்ட பல்கலைக்கழகமும்; தன்னாட்சி வழங்கப்பட்ட உயர்கல்வி நிறுவனமும், நாடாளுமன்ற சட்டத்தால் பட்டம் வழங்குவதற்கு அதிகாரம் வழங்கப்பட்ட கல்வி நிறுவனமும் தான் 'பல்கலைக்கழகம்' என்று பொருள்படும்.

அதிர்ச்சி அறிவிப்பு

அதற்கு மாறாகவும், மேற்கூறிய சட்டத்திற்குப் புறம்பாகவும், பல்கலைக்கழகம் என்ற பெயரில் பட்டம் வழங்கிய 21 போலி நிறுவனங்களின் பெயர் பட்டியலை பல்கலைக்கழக மானியக் குழு வெளியிட்டுள்ளது.

அந்த 21 அங்கீகரிக்கப்படாத நிறுவனங்கள், போலி என்றும், எந்தப் பட்டத்தையும் வழங்குவதற்கு, சம்பந்தப்பட்ட கல்வி நிறுவனங்களுக்கு உரிமை இல்லை என்றும், யு.ஜி.சி., தெரிவித்துள்ளது.

இதுதாங்க போலி பல்கலைக்கழகங்கள் பட்டியல்