மத்திய போலீஸில் 2221 சப் இன்ஸ்பெக்டர், உதவி எஸ்.ஐ. வேலை காத்திருக்கு...!

சென்னை : மத்திய அரசுப்பணியாளர் தேர்வாணையங்களில் ஒன்றான ஸ்டாப் செலக்சன் கமிஷன் (எஸ்எஸ்சி) மத்திய காவலர் படைகளில் குறிப்பிட்ட பணியிடங்களை நிரப்ப அறிவிப்பு வெளியிட்டுள்ளது. 15/05/2017ந் தேதிக்குள் பட்டதாரிகள் இந்த பணிக்கு விண்ணப்பிக்கலாம்.

டெல்லி போலீஸ் மற்றும் மத்திய ஆயுதப்படை பிரிவில் சப் இன்ஸ்பெக்டர் பணியிடங்களையும் சிஐஎஸ்எப் படைப்பிரிவில் உதவி சப்-இன்ஸ்பெக்டர்பணியிடங்களையும் நிரப்ப விண்ணப்பம் கோரப்பட்டு உள்ளது, மொத்தம் 2 ஆயிரத்து 221 பேர் தேர்வு செய்யப்படுகிறார்கள்.

படைப்பிரிவு மற்றும் பணிப்பிரிவு வாரியான காலிப்பணியிடம்

டெல்லி போலீசில் சப்-இன்ஸ்பெக்டர் (ஆண்கள்) 616 இடங்கள், சப்-இன்ஸ்பெக்டர் (பெண்கள்) 256, மத்திய ஆயுதப்படை சப்-இன்ஸ்பெக்டர் (ஆண்கள்) 697,சப்-இன்ஸ்பெக்டர் (பெண்கள்) 89, சி.ஐ.எஸ்.எப் படையில் உதவி சப்-இன்ஸ்பெக்டர் பணிகள் 563 ஆக மொத்தம் 2 ஆயிரத்து 221 காலியிடங்கள்அறிவிக்கப்பட்டுள்ளது.

வயது வரம்பு-

விண்ணப்பதாரர்கள் 1/1/2017ந் தேதியில் 20 வயது முதல் 25 வயதுக்கு உட்பட்டவர்களாக இருக்க வேண்டும். ஓபிசி பிரிவினருக்கு 3 ஆண்டுகளும் எஸ்சி, எஸ்டி பிரிவினருக்கு 5 ஆண்டுகளும் வயது வரம்பில் தளர்வு அனுமதிக்கப்படுகிறது.

கல்வித்தகுதி-

அங்கீகாரம் பெற்ற பல்கலைக்கழகத்தில் அல்லது கல்வி மையங்களில் குறைந்தபட்சம் ஏதேனும் ஒரு பிரிவில் பட்டப்படிப்பு படித்தவர்கள் இந்த பணிகளுக்கு

விண்ணப்பிக்கலாம்.

தேர்வு செய்யும் முறை-

கணிணி அடிப்படையிலான தோவின் மூலம் தகுதியானவர்கள் தேர்வு செய்யப்படுவார்கள்.

கட்டணம்-

விண்ணப்பதாரர்கள் ரூ. 100/- கட்டணம் செலுத்தி விண்ணப்பிக்க வேண்டும். எஸ்சி, எஸ்டி பிரிவினர் மற்றும் மாற்றுத் திற2னாளிகளுக்கு இந்த கட்டணம்கிடையாது.

விண்ணப்பிக்கும் முறை-

விருப்பமும் தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். விண்ணப்பம் பார்ட்-1, பார்ட்-2 என்ற இரு நிலைகளில் சமர்ப்பிக்க வேண்டும். பார்ட்-1 விண்ணப்பத்தில் விபரங்களை நிரப்பி சமர்ப்பித்த பிறகு கட்டணம் செலுத்த வேண்டும். பின்னர் பார்ட்-2 விண்ணப்ப பதிவை தொடங்க வேண்டும். தேவையான இடத்தில் புகைப்படம் மற்றும் கையெழுத்து ஆகியவற்றை பதிவேற்றம் செய்ய வேண்டும்.

முக்கிய தேதிகள்-

விண்ணப்பிக்க கடைசி நாள் - 15/05/2017
கட்டணம் செலுத்த கடைசி நாள் - 18/05/2017
கணிணி தேர்வு (பேப்பர்-1) 30/06/2017ந் தேதி முதல் 07/07/2017ந் தேதி வரை நடைபெறும்
கணிணி தேர்வு (பேப்ர்-2) 08/10/2017 நடைபெறும்

மேலும் விரிவான தகவல்களுக்கு www.ssconline.nic.in என்ற இணையதள முகவரியை அனுகவும்.