SSC CGL 2026 டயர்-1 தேர்வு நாளை தொடக்கம்: கடைசி நேர பதற்றத்தைத் தவிர்க்க இதோ முக்கிய வழிகாட்டி!

SSC CGL 2026 டயர்-1 தேர்வுகள் நாளை (செப்டம்பர் 30) தொடங்கி அக்டோபர் 30 வரை நடைபெறவுள்ளன. அதனால், இன்றே (செப்டம்பர் 29) உங்கள் எக்ஸாம் சிட்டி ஸ்லிப் மற்றும் ஹால் டிக்கெட் ஸ்டேட்டஸை சரிபார்த்துக் கொள்ளுங்கள். கடைசி நேரப் பதற்றத்தைத் தவிர்க்க, தேவையான ஆவணங்களை எடுத்து வைப்பதோடு, தேர்வு மையத்திற்குச் செல்லும் நேரத்தையும் முன்கூட்டியே திட்டமிட்டுக் கொள்ளுங்கள். கணினி வழித் தேர்வு (CBT) என்பதால், ரிப்போர்ட்டிங் டைம் மற்றும் கேட் மூடும் நேரம் மிகக் கடுமையாகப் பின்பற்றப்படும். இதற்கான அட்டவணையை SSC சமீபத்தில் உறுதி செய்துள்ளது.

முதலில் எந்த ஊரில் தேர்வு என்பதைத் தெரிவிக்கும் 'எக்ஸாம் சிட்டி' விவரங்கள் வெளியிடப்பட்டு, அதைத் தொடர்ந்து ஹால் டிக்கெட்டுகள் கட்டம்பாட்டாக (Rolling basis) வெளியிடப்படுகின்றன. தேர்வு நாளுக்கு 2 முதல் 3 நாட்களுக்கு முன்பு தான் ஹால் டிக்கெட் லிங்க் ஆக்டிவேட் ஆகும் என SSC அறிவித்துள்ளது. தேர்வர்கள் சமீபத்தில் எடுத்த 2 புகைப்படங்கள் மற்றும் பிறந்த தேதி சரியாக உள்ள அசல் அடையாள அட்டையைக் (Photo ID) கட்டாயம் கொண்டு வர வேண்டும். ஆதார் சரிபார்ப்பு செய்யாத தேர்வர்கள் 2 மணி நேரத்திற்கு முன்பே தேர்வு மையத்திற்கு வர வேண்டும். பொதுவாக, தேர்வுத் தேதிக்கு 10 நாட்களுக்கு முன்பே சிட்டி விவரங்கள் வெளியாகிவிடும்.

SSC CGL 2026 டயர் 1: ஹால் டிக்கெட், ஆவணங்கள் மற்றும் தடைசெய்யப்பட்ட பொருட்கள்

பிரிண்ட் எடுத்த ஹால் டிக்கெட் மற்றும் செல்லுபடியாகும் அசல் அடையாள அட்டையைக் கையோடு எடுத்துச் செல்லுங்கள். விண்ணப்பத்தில் உள்ள பெயரும், ஐடியில் உள்ள பெயரும் ஒரே மாதிரி இருக்க வேண்டும். ஆதார், வாக்காளர் அடையாள அட்டை, டிரைவிங் லைசென்ஸ், பேன் கார்டு, பாஸ்போர்ட் அல்லது அரசு அடையாள அட்டைகளைப் பயன்படுத்தலாம். மொபைல் போன், கால்குலேட்டர், வாட்ச், காகிதங்கள் மற்றும் சொந்த பேனாக்களை தேர்வு மையத்திற்குள் அனுமதிக்க மாட்டார்கள். பேனா மற்றும் ரஃப் ஷீட்களை SSC-யே தேர்வு ஹாலில் வழங்கும். இது ஆன்லைன் தேர்வு என்பதால் OMR ஷீட் கிடையாது; விடைகளைத் திரையிலேயே கிளிக் செய்ய வேண்டும். நுழைவு வாயிலில் தீவிர பரிசோதனை இருக்கும்.

SSC CGL 2026 டயர் 1: ரிப்போர்ட்டிங் மற்றும் ஷிஃப்ட் பிளான்

உங்கள் தேர்வு ஷிஃப்ட் நேரத்தை எக்ஸாம் சிட்டி ஸ்லிப் மற்றும் ஹால் டிக்கெட்டில் பார்க்கலாம். வழக்கமாக SSC தினமும் மூன்று ஷிஃப்டுகளாக கணினி வழித் தேர்வை நடத்துகிறது. மழை, போக்குவரத்து நெரிசலைத் தவிர்க்க தேர்வு மையத்திற்கு 60 முதல் 90 நிமிடங்களுக்கு முன்பே சென்றுவிடுங்கள். பயோமெட்ரிக் சரிபார்ப்பு மற்றும் பாதுகாப்புச் சோதனைகளுக்கு நேரம் எடுக்கும். உங்கள் ஹால் டிக்கெட்டில் குறிப்பிட்டுள்ள கேட் மூடும் நேரத்தை மட்டுமே கண்டிப்பாகப் பின்பற்றுங்கள்.

SSC CGL 2026 டயர் 1: கடைசி 24 மணி நேர டிப்ஸ்!

ஒவ்வொரு பாடத்திற்கும் 15 நிமிடங்கள் என்ற பகுதிவாரியான (Sectional timing) நேரம் நிர்ணயிக்கப்பட்டிருப்பதால், வேகமும் நேர நிர்வாகமும் மிக முக்கியம். கவனத்தை ஒரு பாடத்திலிருந்து மற்றொரு பாடத்திற்கு வேகமாக மாற்றுவதோடு, துல்லியத்தையும் தக்கவைத்துக் கொள்ளுங்கள். தேர்வில் மொத்தம் 100 கேள்விகள் இருக்கும், நேரம் 1 மணி நேரம். தவறான விடைகளுக்கு 0.50 மதிப்பெண் குறைக்கப்படும் (Negative marking). அதனால் நன்றாகத் தெரிந்த கேள்விகளுக்கு முதலில் பதிலளித்துவிட்டு, சந்தேகம் உள்ள கேள்விகளுக்குப் பிறகு வரலாம். ஃபார்முலாக்கள், மேப்கள், குறியீடுகள் மற்றும் இலக்கண விதிகளை ஒருமுறை ரிவைஸ் செய்து கொள்ளுங்கள். வேகத்தையும் நம்பிக்கையையும் அதிகரிக்க இன்று ஒரே ஒரு மார்க் டெஸ்ட் (Mock test) எழுதிப் பாருங்கள்.

SSC CGL 2026 ஹால் டிக்கெட் இன்னும் வரவில்லையா?

உங்கள் ஹால் டிக்கெட் லிங்க் இன்னும் வரவில்லை என்றால் பதற்றப்பட வேண்டாம். முதலில் எக்ஸாம் சிட்டி விவரங்கள் வெளியாகும்; உங்கள் தேர்வு நாளுக்கு 2 அல்லது 3 நாட்களுக்கு முன்பு தான் ஹால் டிக்கெட் பதிவிறக்கம் செய்ய முடியும். நள்ளிரவுக்குப் பிறகு மீண்டும் செக் செய்து பாருங்கள், அதேபோல் பிரவுசரின் 'Cache' நினைவகத்தை அழித்துவிட்டு முயற்சிக்கவும். தேர்வு நாள் நெருங்கியும் விவரங்கள் வரவில்லை என்றால், உடனடியாக உங்கள் மண்டல SSC அலுவலகத்தைத் தொடர்புகொள்ளுங்கள். போர்ட்டல் அப்டேட் ஆகும் வரை உங்கள் ஐடி கார்டு மற்றும் புகைப்படங்களைத் தயாராக வைத்திருங்கள்.