PNB வங்கி வேலை: 545 பணியிடங்களுக்கு விண்ணப்பிக்க இன்னும் 48 மணி நேரம் மட்டுமே! மிஸ் பண்ணிடாதீங்க!

வங்கித் துறையில் அனுபவமுள்ளவர்களுக்கு ஒரு முக்கிய அலர்ட்! பஞ்சாப் நேஷனல் வங்கியில் (PNB) வேலை வாய்ப்புக்கு விண்ணப்பிக்க இன்னும் 48 மணி நேரத்திற்கும் குறைவான நேரமே உள்ளது. மொத்தம் உள்ள 545 லோக்கல் பேங்க் ஆபீசர் (LBO) பணியிடங்களுக்கான ஆன்லைன் விண்ணப்பப் பதிவு விரைவில் முடிவடைய உள்ளது. தகுதியான விண்ணப்பதாரர்கள் ஆகஸ்ட் 9, 2026 அன்று இரவு 11:55 மணிக்குள் தங்களது பதிவை முடிக்க வேண்டும்.

இதற்கு விண்ணப்பிக்க, அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டப்படிப்பு முடித்திருக்க வேண்டும். அத்துடன், ஏதேனும் ஒரு ஷெட்யூல்டு கமர்ஷியல் வங்கியில் குறைந்தபட்சம் ஓராண்டு பணி அனுபவம் இருப்பது கட்டாயம். ஜூலை 1, 2026 அன்றைய தேதியின்படி, விண்ணப்பதாரர்களின் வயது 20 முதல் 30க்குள் இருக்க வேண்டும். அரசு விதிகளின்படி, இடஒதுக்கீட்டுப் பிரிவினருக்கு வயது வரம்பில் தளர்வுகள் உண்டு. இதில் தேர்வு செய்யப்படும் அதிகாரிகள் ஜூனியர் மேனேஜ்மென்ட் கிரேடு ஸ்கேல்-I (JMGS-I) பிரிவில் பணியமர்த்தப்படுவார்கள்.

PNB LBO 2026: தேர்வு முறை மற்றும் உள்ளூர் பணி நியமனம்

விண்ணப்பதாரர்கள் தாங்கள் விண்ணப்பிக்கும் மாநிலத்தின் உள்ளூர் மொழியைப் பேசவும் எழுதவும் தெரிந்திருக்க வேண்டியது கட்டாயம். குறிப்பாக, அதிக பணியிடங்கள் உள்ள தமிழ்நாடு போன்ற தென் மாநில வட்டாரங்களுக்கு இது மிகவும் முக்கியம். பள்ளியில் இந்த மொழியைப் படிக்காதவர்கள், 'உள்ளூர் மொழித் திறன் தேர்வு' (LLPT) எழுதி தேர்ச்சி பெற வேண்டும். நேர்காணலுக்குப் பிறகு, சான்றிதழ் சரிபார்ப்பு (DV) நடைபெறும்.

JMGS-I பிரிவின் கீழ், இதற்கான சம்பள விகிதம் ரூ. 48,480 முதல் ரூ. 85,920 வரை இருக்கும். ஆரம்ப அடிப்படைச் சம்பளம் ரூ. 48,480 ஆகும். இது தவிர, அகவிலைப்படி (DA), நகர ஈட்டுப்படி (CCA), வீட்டு வாடகைப்படி (HRA) மற்றும் மருத்துவச் சலுகைகள் உள்ளிட்ட வங்கியின் இதர படிகளும் வழங்கப்படும்.

PNB LBO 2026: முக்கிய தேதிகள் மற்றும் சரிபார்ப்புப் பட்டியல்

ஆர்வமுள்ள வங்கி ஊழியர்கள் அதிகாரப்பூர்வ இணையதளத்திற்குச் சென்று பதிவு செய்யலாம். விண்ணப்பிக்கும் போது உங்களது புகைப்படம் மற்றும் கையொப்பத்தை தெளிவான ஸகேன் நகல்களாகப் பதிவேற்றுவதை உறுதிப்படுத்திக் கொள்ளுங்கள். ஆன்லைன் மோசடிகளில் இருந்து தப்பிக்க, அதிகாரப்பூர்வ இணையதள முகவரியை சரிபார்த்து விண்ணப்பிப்பது நல்லது; தேவையற்ற மூன்றாம் தரப்பு இணையதளங்களைத் தவிர்க்கவும். கட்டணம் செலுத்துவதற்கு முன் அனைத்து விவரங்களையும் ஒருமுறைக்கு இருமுறை சரிபார்த்துக் கொள்ளுங்கள்.

இதற்கான ஆன்லைன் தேர்வு தற்காலிகமாக ஆகஸ்ட் இறுதி அல்லது செப்டம்பர் மாதத்தில் நடத்தப்படலாம். இதனால் விண்ணப்பித்த பிறகு தயாராவதற்கு மிகக் குறைந்த கால அவகாசமே இருக்கும். கடைசி நேர இணையதள நெரிசலைத் தவிர்க்க, உடனே விண்ணப்பிப்பது நல்லது. ஞாயிற்றுக்கிழமை இரவு ஆன்லைன் போர்டல் மூடப்படுவதற்குள் உங்களது கட்டணப் பரிவர்த்தனை வெற்றிகரமாக முடிந்துவிட்டதா என்பதை உறுதிப்படுத்திக் கொள்ளுங்கள்.