அலகாபாத் பல்கலை.யில் சட்டப்படிப்பு படிக்கணுமா...!!

டெல்லி: அலகாபாத் பல்கலைக்கழகத்தில் சட்டப்படிப்பு படிக்க உதவும் எல்எஃப்ஏடி தேர்வுகள் மே 25-ம் தேதி நடைபெறவுள்ளன.

பிஏ, எல்எல்பி படிப்புகள் இணைந்த இந்த 5 ஆண்டு ஒருங்கிணைந்த சட்டப்படிப்பை அலகாபாத் பல்கலைக்கழகம் வழங்குகிறது. இந்தப் படிப்பில் சேர்வதற்காக எல்எஃப்ஏடி தேர்வை ஆண்டுதோறும் அலகாபாத் பல்கலைக்கழகம் நடத்தி வருகிறது.

2016-ம் கல்விஆண்டுக்கான சேர்க்கையாகும் இது. இந்தத் தேர்வு எழுத விரும்புபவர்கள் பன்னிரண்டாம் வகுப்பு தேர்ச்சி பெற்றிருக்கவேண்டும்.

ஆன்-லைனில் தேர்வுக்கு விண்ணப்பம் செய்யவேண்டும். தேர்வுக்கு பதிவு செய்ய ஏப்ரல் 19-ம் தேதி பதிவுகள் தொடங்குகின்றன. மே 9-ம் தேதி பதிவு செய்ய கடைசி நாளாகும்.

தேர்வுக்கான ஹால் டிக்கெட்டுகளை மே 21-ம் தேதி டவுன்லோடு செய்துகொள்ளலாம். இந்தத் தேர்வுக்கான நுழைவுத் தேர்வு மே 25-ம் தேதி நடைபெறவுள்ளது. மேலும் விவரங்களுக்கு http://www.allduniv.ac.in/index.php?option=com_content&view=article&id=468:admission-2016-17&catid=109:latest-news&Itemid=1862 என்ற லிங்க்கைக் கிளிக் செய்யலாம்