கிங் ஜார்ஜ் மருத்துவப் பல்கலை.யில் பி.எஸ்சி நர்சிங் படிக்க ஆசையா....!!

லக்னோ: உத்தரப் பிரதேச மாநிலம் லக்னோவிலுள்ள கிங் ஜார்ஜ் மருத்துவப் பல்கலைக்கழகத்தில் பிஎஸ்சி நர்சிங் படிப்பு பயில விண்ணப்பங்கள் வரவேற்கப்படுகின்றன.

இது 4 ஆண்டு படிப்பாகும். கிங் ஜார்ஜ் மருத்துவப் பல்கலைக்கழகத்தின் உறுப்புக் கல்லூரிகளில் மாணவ, மாணவிகள் இந்த படிப்புக்காக சேர்த்துக் கொள்ளப்படுவர்.

இந்தப் படிப்பில் சேர விரும்புபவர்கள் பிளஸ்-2 குறைந்தபட்சம் 45 சதவீத மதிப்பெண்களுடன் தேர்ச்சி பெற்றிருக்கவேண்டும்.

விண்ணப்பங்களை ஆன்-லைனில் அனுப்பவேண்டும். விண்ணப்பக் கட்டணமாக ரூ.2 ஆயிரம் வசூலிக்கப்படும். எஸ்சி, எஸ்டி பிரிவினர் ரூ.1,200 செலுத்தினாலே போதுமானது.

நுழைவுத் தேர்வு அடிப்படையில் மாணவர்கள் இந்தப் படிப்பில் சேர தேர்ந்தெடுக்கப்படுவர். விண்ணப்பங்களை ஜூன் 20-க்குள் அனுப்பவேண்டும். படிப்பில் சேர நுழைவுத் தேர்வு ஜூன் 31-ம் தேதி நடைபெறும்.

மேலும் விவரங்களுக்கு http://www.kgmcindia.edu என்ற இணையதளத்தில் தொடர்புகொள்ளலாம்.