வேலை தேடும் இளைஞர்களே... பச்சையப்பன் கல்லூரியில் இலவச வேலைவாய்ப்பு முகாம்!!

சென்னை: வேலை தேடும் இளைஞர்களுக்காக சென்னை அமைந்தகரையில் உள்ள பச்சையப்பன் கல்லூரியில் இலவச வேலைவாய்ப்பு முகாம் பிரமாண்டமான முறையில் நடைபெறவுள்ளது.

பிப்ரவரி 27-ம் தேதி இந்த முகாமை பெரிய அளவில் நடத்தத் திட்டமிடப்பட்டுள்ளது. இந்த இலவச வேலை வாய்ப்பு முகாமை அன்னம்மாள் இன்ஸ்டியூட் ஆப் ஓட்டல் மேனேஜ்மெண்ட் மற்றும் www.hotelierstalk.com இணைந்து பிரமாண்டமான முறையில் நடத்துகிறது.

இதில் ஸ்டார் ஹோட்டல்கள் , சொகுசு கப்பல்கள், ரெஸ்டாரண்ட்டுகள், ரெசார்ட்டுகள், ஏர்லைன்ஸ் நிறுவனங்கள் கலந்து கொண்டு வேலை வாய்ப்பு வழங்குகின்றன. இதில் வேலை தேடும் மாணவர்கள் கலந்துகொண்டு வேலையைப் பெற முடியும்.

இந்த வேலைவாய்ப்பு முகாமல் 10 ஆயிரத்துக்கும் மேற்பட்டோர் வருவர் என எதிர்பார்க்கப்படுகிறது. காலை 9.00 - மாலை 5.00 மணி வரை முகாம் நடைபெறும். இதில் 10-ம் வகுப்பு முதல் பட்டம், பட்டயம் வரை படித்தவர்களுக்கு வேலை வாய்ப்பு அளிக்கப்படும் என உறுதி அளிக்கப்பட்டுள்ளது. எந்த முன்பதிவும் தேவையில்லை. நேரடியாக முகாமில் கலந்துகொண்டு பயன்பெறலாம். வரும்போது தங்களது சான்றிதழ்களைக் கொண்டு வருவது அவசியமாகும். தகவலுக்கு: 9884930477- க்கு தொடர்பு கொள்ளவும்.