புதுடெல்லி: தன்பாத் நகரிலுள்ள இந்தியன் ஸ்கூல் ஆஃப் மைன்ஸ் (ஐஎஸ்எம்) கல்வி நிறுவனத்தில் எம்.டெக் படிப்பு படிக்க விண்ணப்பங்கள் வரவேற்கப்படுகின்றன.
2016-17-ம் கல்வியாண்டுக்கான சேர்க்கையாகும் இது. இந்த கல்வி நிறுவனத்தில் ஐஎஸ்எம் இஇ தேர்வுகள் மூலம் சேர்க்கை நடைபெறும். சேர்க்கைக்காக முதலில் மாணவர்கள் ஐஎஸ்எம் இஇ தேர்வுக்கு ஆன்-லைனில் ஏப்ரல் 12-ம் தேதிக்குள் விண்ணப்பம் செய்யவேண்டும்.
2 ஆண்டு எம்.டெக் படிப்பு, 3 ஆண்டு எம்.டெக் படிப்பு என இரு விதமான படிப்புகளை ஐஎஸ்எம் வழங்குகிறது.
கம்ப்யூட்டர் சயின்ஸ் அண்ட் எந்ஜினீயரிங், எலக்ட்ரானிக்ஸ் அண்ட் கம்யூனிகேஷன் என்ஜினீயரிங் என பல்வேறு படிப்புகளை எம்.டெக் பிரிவில் வழங்குகிறது ஐஎஸ்எம். கேட் தேர்வில் நல்ல மதிப்பெண் பெற்றவர்கள் ஐஎஸ்எம் கல்வி நிறுவனத்தில் நேரடியாகச் சேர முடியும்.
தேர்வானவர்கள் நேர்முகத் தேர்வுக்குப் பின்னர் படிப்பில் சேர்த்தக் கொள்ளப்படுவர். தேர்வுக்கு விண்ணப்பிக்க ரூ.2 ஆயிரம் கட்டணம் செலுத்தவேண்டும். எஸ்சி, எஸ்டி மாணவர்கள் ரூ.1,000 செலுத்தினால் போதுமானது.
தேர்வுகள் மே 15-ம் தேதி நடைபெறும். முடிவுகள் ஜூன் 20-ம் தேதி அறிவிக்கப்படும்.
மேலும் விவரங்களுக்கு http://www.ismdhanbad.ac.in என்ற இணையதள முகவரியைத் தொடர்புகொள்ளலாம்.