மெட்ராஸ் ஐஐடி-யில் கல்வி நிறுவனத்தின் பெயரில் இருக்கை!!

சென்னை: மெட்ராஸ் ஐஐடி-யில் கல்வி நிறுவனத்தின் பெயரில் புதிய இருக்கை ஒன்று அமைக்கப்பட்டுள்ளது.

ரூ.50 லட்சத்தில் இந்த இருக்கை அமைக்கப்பட்டுள்ளதாக ஐஐடி முன்னாள் மாணவரும், பேராசிரியருமான பேராசிரியர் ஸ்ரீதர் தாயுர் தெரிவித்தார்.

இதுகுறித்து அவர் மேலும் கூறியதாவது:

முன்னாள் மாணவர்கள் இணைந்து இந்த இருக்கையை உருவாக்கியுள்ளனர். ரேக்ஸ் பேமிலி பவுண்டேஷன் பெயரில் இந்த இருக்கையை உருவாக்கியுள்ளோம் என்றார் அவர். இதுகுறித்து ஐஐடி மெட்ராஸ் சர்வதேச மற்றும் முன்னாள் மாணவர்கள் தொடர்பு டீன் பேராசிரியர் ஆர். நாகராஜன் கூறியதாவது: இந்த இருக்கை உருவாக்கப்பட்டுள்ளது மிகவும் மகிழ்ச்சி அளிக்கிறது. முன்னாள் மாணவர்களின் இந்த செயல்பாடு அனைவருக்கும் முன்மாதிரியாக அமைந்துள்ளது என்றார் அவர்.