புதுடெல்லி: அனைவரும் ஆவலுடன் எதிர்பார்த்து வந்த கேட் தேர்வு(தி கிராஜுவேட் ஆப்டிடியூட் டெஸ்ட் இன் என்ஜினீயரிங்) முடிவுகள் மார்ச் 19-ல் வெளியாகின்றன.
பல்வேறு உயர்கல்வி நிறுவனங்களில் என்ஜினீயரிங், டெக்னாலஜி, ஆர்க்கிடெக்ச்சர், அறிவியல் உயர் படிப்புகள், ஐஐஎஸ்சி, ஐஐடி போன்றவற்றில் சேர்வதற்கு கேட் தேர்வு உதவுகிறது.
இந்தத் தேர்வை 7 ஐஐடிகள், பெங்களூர் இந்தியன் இன்ஸ்டிடியூட் ஆஃப் சயின்ஸ்(ஐஐஎஸ்சி) ஆகியவை இணைந்து ஆண்டுதோறும் நடத்தி வருகின்றன. இந்தத் தேர்வில் வெற்றி பெறும் மாணவ மாணவிகள் எம்.இ., எம்.டெக், பிஎச்.டி போன்ற படிப்புகளை ஐஐஎஸ்சி, ஐஐடிகளில் படிக்கலாம்.
இந்தத் தேர்வுக்கான முடிவுகள்தான் மார்ச் 19-ல் வெளியாகவுள்ளன
தேர்வு முடிவுகளை அறிய http://www.gate.iisc.ernet.in/ என்ற இணையதளத்துக்குச் செல்லவேண்டும். அங்கு 'GATE 2016 Results' என்ற இடத்தில் கிளிக் செய்து பதிவு எண், பாஸ்வேர்ட் ஆகியவற்றைக் கொடுத்தால் முடிவுகளைக் காணலாம். அந்த முடிவுகள் பக்கத்தை அப்படியே பிரிண்ட் அவுட் எடுத்து வைத்துக்கொண்டு எதிர்காலப் படிப்புகளுக்குப் பயன்படுத்தலாம்.