TN veterinary consultant Recruitment 2022: ஆவினில் கால்நடை ஆலோசகர் பணி...!

ஆவின் வேலைவாய்ப்பு அறிவிப்பு 2022

திருப்பூர், வேலூர், ராணிப்பேட்டை, திருப்பத்தூர் ஆகிய மாவட்டங்களில் உள்ள கால்நடை ஆலோசகர் பணியிடங்களுக்கு, தகுதியான நபர்கள் நேர்காணல் வாயிலாக நியமிக்கப்பட உள்ளனர். நேர்காணல் டிச.,7ல் நடைபெறவுள்ளது.

நிர்வாகம்: தமிழ்நாடு கூட்டுறவு பால் உற்பத்தியாளர் சங்க லிமிடெட் (Tamil Nadu Cooperative Milk Producers Federation Limited)

மேலாண்மை: மாநில அரசு

பதவிகள் விவரம்

Ø கால்நடை ஆலோசகர் ( Veterinary Consultant)

விண்ணப்பிக்கும் முறை: நேர்காணல்

பணியிடங்கள் எண்ணிக்கை

திருப்பூரில் எட்டு பணியிடங்களும், ராணிப்பேட்டை, திருப்பத்தூர், வேலூர் ஆகிய மாவட்டங்களில், தலா ஒரு பணியிடமும் காலியாக உள்ளன.

கல்வி தகுதி / வயது வரம்பு

அங்கீகரிக்கப்பட்ட கல்வி நிறுவனங்களில், பி.எஸ்.சி., கால்நடை படிப்பில் ( Bachelor of Veterinary and Animal Husbandry) தேர்ச்சி பெற்றிருக்க வேண்டும்.

கணினியை இயக்கவும் தெரிந்திருக்க வேண்டும். ஓட்டுநர் உரிமத்துடன் இரு சக்கர வாகனம் வைத்திருக்க வேண்டும். வயதில் அதிகபட்ச வரம்பு ஏதும் நிர்ணயிக்கப்படவில்லை.

கூடுதல் விவரங்களுக்கு கீழே கொடுக்கப்பட்ட அதிகாரப்பூர்வ அறிவிப்பை பார்வையிடவும்.

ஊதியம்

வேலூர், திருப்பத்தூர், ராணிப்பேட்டை, திருப்பூர் மாவட்டங்களை உள்ளடக்கிய, மாவட்ட கூட்டுறவு பால் உற்பத்தியாளர் சங்க லிமிடெட் நிறுவனத்தில், கால்நடை ஆலோசகர் பணிக்கு மாத ஊதியமாக, மாதம் ரூ.43,000 வழங்கப்படும். அதாவது, (ரூ.30,000 + போக்குவரத்து செலவு - ரூ.8,000 + Incentives - ரூ.5,000) என, நிர்ணயிக்கப்பட்டு உள்ளது.

தேர்வு முறை

நேர்முகத் தேர்வு அடிப்படையில் தகுதியானவர்கள் தேர்ந்தெடுக்கப்படுவர். வேலூர், ராணிப்பேட்டை, திருப்பத்தூர் ஆகிய மாவட்டங்களுக்கு, டிசம்பர் 7ல் நேர்முக தேர்வு காலை 11 மணி முதல் நடைபெறும்.