பொறியியல் பட்டதாரிகளே, ரூ.1 லட்சம் ஊதியத்தில் மத்திய அரசு வேலை..!

இந்திய கடற்படையில் காலியாக உள்ள இலவச பயிற்சியுடன் கூடிய அதிகாரி பணியிடங்களான 'யுனிவர்சிட்டி என்ட்ரி ஸ்கீம் (யூ.இ.எஸ்.)', கோர்ஸ் காமென்சிங் -ஜூன்-2020 பயிற்சிக்கு அறிவிப்பு வெளியிடப்பட்டுள்ளது. இதற்கு பொறியியல் துறையில் பட்டம் பெற்றவர்கள் மற்றும் எக்சிகியூட்டிவ் மற்றும் டெக்னிக்கல் பிரிவில் உள்ள பணியிடங்களுக்கு திருமணமாகாத ஆண்களிடம் இருந்து மட்டும் விண்ணப்பங்கள் வரவேற்கப்படுகின்றன.

பணி : நிர்வாக அதிகாரி (பல்கலைக்கழக நுழைவுத் திட்டம்)

வயது வரம்பு : 02.07.1996 மற்றும் 01.07.1999 ஆகிய தேதிகளுக்கு இடைப்பட்ட காலத்திலும், இரு தேதிகளில் பிறந்தவர்கள் மட்டுமே விண்ணப்பிக்க தகுதியானவர்கள்.

கல்வித் தகுதி :

• எக்சிகியூட்டிவ் பிரிவு பயிற்சிக்கு விண்ணப்பிப்பவர்கள் பொறியியல் துறையில் ஏதாவதொரு பிரிவில் 60 சதவிகிதம் மதிப்பெண்களுடன் பி.இ அல்லது பி.டெக் முடித்திருக்க வேண்டும்.

• டெக்னிக்கல் பிரிவு பணிக்கு விண்ணப்பிப்பவர்கள் பொறியியல் துறையில் மெக்கானிக்கல், மரைன், ஆட்டோமோடிவ், மெக்கட்ரானிக்ஸ், மெட்டலர்ஜி, ஏரோனாட்டிக்கல், ஏரோஸ்பேஸ், எலக்ட்ரிக்கல், எலக்ட்ரானிக்ஸ், டெலிகம்யூனிகேசன் போன்ற பிரிவுகளில் 60 சதவிகிதம் மதிப்பெண்களுடன் பி.இ அல்லது பி.டெக் முடித்திருக்க வேண்டும்.

உடற்தகுதி : குறைந்தபட்சம் 157 செ.மீ. உயரமும், அதற்கேற்ற எடையும் இருக்க வேண்டும்.

பார்வைத் திறன் : எக்சிகியூட்டிவ் பணிக்கு பார்வைத்திறன் 6/12 என்ற அளவுக்குள்ளும், டெக்னிக்கல் பிரிவு விண்ணப்பதாரர்கள் 6/24 என்ற அளவுக்குள்ளும் இருக்க வேண்டும்.

ஊதியம் : மாதம் ரூ.56,100 முதல் ரூ.1,10,700 வரையில்

தேர்வு முறை : சர்வீஸ் செலக்சன் போர்டு (எஸ்.எஸ்.பி.) மூலம் இப்பணியிடங்களுக்கான தேர்வு நடத்தப்படும்.

• நிலை-1, நிலை-2 என இரு நிலை எழுத்துத் தேர்வு, நுண்ணறிவுத் தேர்வு, படங்களை புரிந்து கொள்ளுதல், கலந்துரையாடுதல், உளவியல் தேர்வு, குழு தேர்வு மற்றும் நேர்முகத் தேர்வில் தேர்ச்சி பெற்றவர்கள் மருத்துவ தேர்வுக்குப் பின்னர் பயிற்சியில் சேர்த்துக் கொள்ளப்படுவார்கள்.

• பயிற்சியிலும் தேர்ச்சி பெறுபவர்களுக்குப் பணி நியமனம் அளிக்கப்படும்.

விண்ணப்பிக்கும் முறை : www.joinindiannavy.gov.in என்னும் அதிகாரப்பூர்வ இணையதளத்தின் மூலம் ஆன்லைனில் விண்ணப்பிக்கவும்.

விண்ணப்பிப்பதற்கான கடைசி தேதி : 27.06.2019

இப்பணியிடம் குறித்த மேலும் விபரங்களை அறியவும், விண்ணப்பப் படிவத்தினைப் பெறவும் www.joinindiannavy.gov.in என்னும் அதிகாரப்பூர்வ இணையதள முகவரியினைக் காணவும்.