ஐபிபிஎஸ் (IBPS) சார்பில் கடந்த டிசம்பர் மாதம் நடைபெற்ற கிளார்க் பணிக்கான முதனிலைத் தேர்வு முடிவுகள் வெளியிடப்பட்டுள்ளது. தேர்வர்கள் ibps.in என்னும் அதிகாரப்பூர்வ இணையதளத்தின் மூலம் இதனை தேர்வு முடிவுகளை தெரிந்து கொள்ளலாம்.
ஐபிபிஎஸ் (Institute of Banking Personnel Selection-IBPS) தேர்வு வாரியத்தின் சார்பில் வங்கிகளில் காலியாக உள்ள கிளார்க் பணியிடங்களுக்கான முதனிலைத் தேர்வு கடந்த டிசம்பர் 7 மற்றும் 8 ஆகிய இரு தினங்களில் நடைபெற்றது. நாடு முழுவதும் நடைபெற்ற இத்தேர்விற்கான முடிவுகள் தற்போது வெளியிடப்பட்டுள்ளது. இத்தேர்வில் பங்கேற்றவர்கள் தங்களுடைய தேர்வு முடிவுகளை ibps.in என்னும் அதிகாரப்பூர்வ இணையதளத்தில் தெரிந்து கொள்ளலாம்.
முதனிலைத் தேர்வில் தேர்ச்சிப் பெற்றவர்கள், அடுத்தகட்டமாக மெயின் தேர்விற்கு தகுதிப் பெற்றவர்கள். அவர்களுக்கான கிளார்க் மெயின் தேர்வு வரும் ஜனவரி 18ம் தேதியன்று நடைபெறவுள்ளது. இதனைத் தொடர்ந்து, ஏப்ரல் 2020- பணிக்கான ஆணைகள் வழங்கப்படும்.
IBPS Clerk Prelims Result 2019 முடிவுகளை நேரடியாகக் காண இங்கே கிளிக் செய்யவும்.