CBSE Exam: 10, 12 ஆம் வகுப்பு பொதுத்தேர்வுக்கான ஹால்டிக்கெட் வெளியீடு!

மத்திய இடைநிலைக் கல்வி வாரியத்தின் சார்பில் (CBSE) 10 மற்றும் 12 ஆம் வகுப்பு பொதுத்தேர்விற்கான ஹால் டிக்கெட் வெளியிடப்பட்டுள்ளது. cbse.nic.in என்னும் இணையதளத்தில் இதனை பதிவிறக்கம் செய்து கொள்ளலாம்.

சிபிஎஸ்இ சார்பில், நடப்பு கல்வி ஆண்டிற்கான பொதுத்தேர்வு கால அட்டவணை கடந்த 2019 டிசம்பர் 17 ஆம் தேதியன்று வெளியிடப்பட்டது. அதன்படி, வரும் 2020 பிப்ரவரி 15 ஆம் தேதி முதல் சிபிஎஸ்இ பொதுத்தேர்வுகள் தொடங்கவுள்ளது.

இதில், சிபிஎஸ்இ 10 ஆம் வகுப்புக்கு முதன்மை பாடங்களுக்கான தேர்வுகள் பிப்ரவரி 26 ஆம் தேதி முதல் தொடங்கி, மார்ச் 18 ஆம் தேதி வரையிலும், 12 ஆம் வகுப்புகளுக்கான தேர்வு பிப்ரவரி 22ம் தேதியன்று தொடங்கி மார்ச் 30ம் தேதி வரையிலும் நடைபெறுகிறது.

தற்போது சிபிஎஸ்இ பொதுத்தேர்வுக்கான ஹால் டிக்கெட் வெளியிடப்பட்டுள்ளது. மாணவர்களால் இந்த ஹால் டிக்கட்டை நேரடியாக பதிவிறக்கம் செய்ய முடியாது. அந்தந்த பள்ளி நிர்வாகமே பதிவிறக்கம் செய்து மாணவர்களுக்கு வழங்கும் என்பது குறிப்பிடத்தக்கது.