சென்னை பல்கலையில் முதுகலைப் படிப்பிற்கு விண்ணப்பங்கள் வரவேற்பு.!

சென்னைப் பல்கலைக் கழகத்தில் முதுநிலை பட்டப்படிப்புகளுக்கான மாணவர் சேர்க்கைக்கு அறிவிப்பு வெளியிடப்பட்டுள்ளது. இதற்கான விண்ணப்பப் பதிவு வரும் ஏப்ரல் 22ம் தேதி முதல் ஆன்லைன் வழியாக தொடங்கப்பட உள்ளது.

இதுகுறித்து சென்னை பல்கலைக்கழகம் வெளியிட்டுள்ள அறிவிப்பில் தெரிவிக்கப்பட்டுள்ளதாவது:-

சென்னை பல்கலைக் கழகத்தில் வரும் கல்வியாண்டிற்கான எம்ஏ, எம்காம், எம்எஸ்சி உள்ளிட்ட முதுநிலைப் படிப்புகளுக்கும், சில பட்டயப் படிப்புகளுக்கும் மாணவர் சேர்க்கை தொடங்கப்பட உள்ளது. அதற்கான விண்ணப்பங்களை, வரும் ஏப்ரல் 22-ம் தேதி முதல் ஆன்லைனில் பதிவிறக்கம் செய்துகொள்ளலாம். முதுநிலை மற்றும் எம்.பில் பட்டப் படிப்புகளுக்கு ஜூன் 17 ம் தேதிக்குள் விண்ணப்பிக்கலாம்.

முதுநிலை பட்டயப் படிப்புகள் மற்றும் சான்றிதழ் படிப்புகளுக்கு ஜூலை 31-ஆம் தேதி வரை விண்ணப்பங்கள் வரவேற்கப்படுகின்றன. ஆன்லைன் விண்ணப்பங்களை பதிவிறக்கம் செய்வதற்கும், கூடுதல் தகவல்களுக்கும் www.unom.ac.in என்னும் அதிகாரப்பூர்வ இணையதள முகவரியில் தொடர்புகொள்ள வேண்டும் என அந்த அறிவிப்பில் தெரிவிக்கப்பட்டுள்ளது.