JNU Admission: டெல்லி ஜேன்யு-வில் மாணவர் சேர்க்கை தொடக்கம்!

தில்லியில் செயல்பட்டுவரும் ஜவஹர்லால் நேரு பல்கலைக்கழகத்தில் 2020-21-ஆம் கல்வியாண்டிற்கான மாணவர் சேர்க்கை அறிவிப்பு வெளியிடப்பட்டுள்ளது. தற்போது, இப்பல்கலைக் கழகத்தில் மாணவர் சேர்க்கைக்கு JNUEE 2020 நுழைவுத்தேர்வு நடத்தப்படுகிறது.

இந்த நுழைவுத்தேர்வில் தேர்ச்சி பெறும் மாணவர்கள், குறைந்த கட்டணத்தில் பட்டப்படிப்பில் சேர முடியும். மேலும், அரசு மற்றும் பல்கலைக்கழக விதிமுறைகளின்படி உதவித்தொகையும் வழங்கப்படுகிறது.

ஜேஎன்யு 2020-21 மற்றும் நுழைவுத்தேர்வுக்கான வழிகாட்டி ஆன்லைனில் பதிவேற்றம் செய்யப்பட்டுள்ளது. இவற்றில், இலக்கியம், மொழி, கலை, அறிவியல், தொழில்நுட்பம் என பல்வேறு பட்டப்படிப்புகள் வழங்கப்படுகிறது.

ஜேஎன்யு-வில் படிக்க விரும்பும் மாணவர்கள் https://www.jnu.ac.in என்னும் அதிகாரப்பூர்வ இணையதளத்தில் சென்று நுழைவுத் தேர்வுக்கு விண்ணப்பிக்க வேண்டும்.

JNU Admission முக்கிய நாட்கள்:-

ஆன்லைன் விண்ணப்பப்பதிவு தொடங்கிய நாள் : 2 மார்ச் 2020
JNUEE நுழைவுத்தேர்வுக்கு விண்ணப்பிக்கக் கடைசி நாள் : 31 மார்ச் 2020
விண்ணப்பக் கட்டணம் செலுத்த வேண்டிய கடைசி நாள் : 31 மார்ச் 2020
தேர்வுக்கான ஹால்டிக்கெட் வெளியாகும் நாள் : 30 ஏப்ரல் 2020